Coa participación do goberno local e dos concelleiros da Marea de Vigo e coa ausencia de representantes do Partido Popular, a Corporación Municipal recordou oficialmente aos por entón alcaldes de Vigo e Lavadores, Emilio Martínez Garrido e José Antela Conde, respectivamente, ademais dos deputados Antonio Bilbatúa, Heraclio Botana e Ignacio Seoane, todos eles fusilados polos fascistas en 1936.
O alcalde interveu recoñecendo a memoria de todos eles e doutros demócratas asasinados daquela, como Apolinar Torres, Gil Santóstegui, González Brunet e Enrique Blein Budiño. A homenaxe contou coa presenza de familiares de Martínez Garrido, Antela Conde e de Antonio Bilbatúa, e concluíu cunha ofrenda floral e un minuto de silencio.
Lembramos os asasinatos do 27 de agosto de 1936 entre eles os alcaldes de Vigo e Lavadores pic.twitter.com/ZRPORDhqV6
— Rubén Pérez Correa (@rubenperezEU) 27 de agosto de 2018