O Concello de Vigo, tal e como reflicte o expediente, vén de elaborar un instrumento de ordenación provisional que recupera o previsto no Plan de 2008 en determinadas zonas de solo urbano consolidado, nalgúns sistemas xerais e en dous polígonos de solo urbano non consolidado (Tomás Paredes e Esturáns).
Previo á aprobación por parte da Xerencia de Urbanismo, o Concello notificou a máis de 47.000 interesados e rexistrou 428 alegacións. Na reunión deste xoves recibirán o visto bo o informe de alegacións e o instrumento de ordenación provisional, que poderá entrar en vigor despois da súa ratificación polo Pleno da Corporación.