Así, o próximo luns día 24, o novo hospital vigués acollerá aos seus primeiros pacientes hospitalizados, efectuando o traslado dos ingresados nas Unidades de Agudos do servizo de Psiquiatría do Hospital Meixoeiro e do Nicolás Peña.
Neste senso, o director xeral, que acudiu a Vigo para contrastar de primeira man os detalles da etapa máis crítica deste proceso, manifestou a satisfacción da dirección do Sergas polo cumprimento do cronograma previsto e polo seu desenvolvemento xa que “estase producindo con absoluta normalidade e sen incidencias significativas máis alá dos desaxustes previsibles nun traslado desta dimensión e complexidade”. Ademais, aproveitou para expresar “o seu apoio e agradecemento, e o de de toda a Consellería de Sanidade e do Servizo Galego de Saúde, aos profesionais que están a acometer esta tarea de xeito exemplar”.
Pola súa banda, Félix Rubial confirmou que a próxima semana trasladaranse un total de 10 especialidades médicas, e “calculamos que, en base ao número de ingresos rexistrados neste mesmo día o pasado ano, un total de 299, os pacientes a trasladar serán aproximadamente un 30 por cento menos, isto é, uns 200 pacientes. Trátase dunha cifra estimativa, variable en función dos ingresos que entren desde as Urxencias así como das altas que den os facultativos estes días. O dato exacto o coñeceremos o mesmo día do traslado de cada un dos servizos”.
Para realizar os transportes se contará cunha dotación de 14 ambulancias, 10 asistenciais e 4 UVI´s móbiles.
Neste senso, Rubial reiterou que o criterio inspirador deste procedemento baséase fundamentalmente en garantir a seguridade para pacientes e profesionais, e tendo como principios reitores, o incremento gradual da complexidade da hospitalización, e a minimización tanto dos tempos de traslado como da cifra de pacientes a reubicar.
Información individualizada a cada paciente
O inicio da actividade de hospitalización no HAC esixe dunha serie de requerimentos previos fundamentais. Cabe subliñar a reordenación da actividad das especialidades os días anteriores ao traslado, e o incremento da actividade dos servizos de soporte como Farmacia, Radioloxía, Banco de sangue ou Laboratorio de Reposta Hospitalaria; ademais, a implementación dos servizos non sanitarios como os hostaleiros, a limpeza ou a lenzaría, entre outros.
Así mesmo, a tarde previa a cada traslado dun servizo, terá lugar unha xuntanza na que participarán os responsables médicos e de enfermería do devandito servizo, xunto con profesionais dos servizos de Admisión e de Soportes non asistenciais do Hospital, mailo o equipo directivo do Complexo. En dito encontro técnico elaborarase unha relación dos pacientes a trasladar valorando se, pola súa patoloxía, precisan de acompañamento médico, ademais do de persoal de enfermaría.
Finalizada a reunión, se informará aos pacientes e familiares do procedemento do seu traslado. Faráselles entrega dunha nota informativa, individualizada e persoalizada, coa hora aproximada da súa saída cara ao Álvaro Cunqueiro, así como da cama asignada neste hospital, o número de habitación, e o seu emprazamento. Ademais ofertaráselle a posibilidade de ir acompañados na ambulancia por un familiar ou achegado.
Profesional de enfermaría responsable de cada paciente
Cada un dos pacientes que van ser trasladados terán un profesional da enfermaría responsable do mesmo, que estará presente durante todo o proceso, acompañándoo na saída, no transporte sanitario, e ata a mesma habitación do Álvaro Cunqueiro no que o paciente queda ingresado. Así mesmo, estableceuse un procedemento de verificación de identidade dos pacientes -mediante unha pulseira identificativa que rexistrará a súa saída e a entrada- supervisado por este profesional responsable e polo servizo de Admisión, que farán in situ a comprobación de chegada do paciente e a confirmación do seu ingreso.
O protocolo establecido para os días do traslado contempla que ás 8.00 h. da mañá desa xornada, a unidade de hospitalización de destino estará operativa, co persoal preparado para recibir e reubicar aos pacientes. Os celadores baixarán as camas asignadas a cada paciente á Sala de Observación de Urxencias do Álvaro Cunqueiro, e desde alí os levarán a súa habitación.
Nos hospitais de orixe, entre as 8.30 h. e as 10.00 h., realizaránse as visitas médicas, notificaranse as altas, e confirmarase co servizo de Admisión a relación de pacientes a trasladar.
A saída dos pacientes efectuarase entre ás 10.00 h. e as 13:30 h. polas mañás, e a partires das 14:30 h. polas tardes; previndo a saída dun paciente cada 5 minutos, co que o ritmo de traslado estimado é de 12 pacientes á hora.
O tempo de traslado previsto por transporte é de 45 minutos de traxecto en ambulancia. O percorrido transcorrerá pola Avenida de Madrid e Autovía (A55), coa excepción dos procedentes do Hospital Nicolás Peña, que irán pola Avenida de Castrelos.
Este protocolo tamén establece os circuítos de saída dos hospitais Xeral, Nicolás Peña e Meixoeiro, e de chegada ao Álvaro Cunqueiro. Nos casos de hospitalización convencional, o persoal das ambulancias recollerá gradualmente aos pacientes nas portas principais; mentres que os pacientes críticos serán recollidos nas portas das Urxencias.
A chegada das ambulancias e o transfer dos pacientes ao hospital Álvaro Cunqueiro faráse dentro da Unidade de Observación de Urxencias de adultos -dotada previamente con equipos de persoal de Enfermaría e celadores que esperarán aso pacientes coas súas camas asignadas-, de xeito que o persoal de ambulancias poida volver a iniciar o proceso cun novo percorrido. O proceso loxístico finalizará cando todos os pacientes estean ubicados no seu andar de hospitalización do Álvaro Cunqueiro.