O alcalde de Vigo informou hoxe xoves do acordo adoptado pola xunta de voceiros celebrada esta mesma mañá para a Medalla da Cidade e a designación dos Vigueses Distinguidos 2016.
Segundo indicou, o alcalde proporá na sesión plenaria do 22 de marzo a aprobación da concesión da Medalla da Cidade a Conxemar. Os galardóns dos Vigueses Distinguidos recaerían, de ser aprobados, na xunta de persoal da Área Sanitaria de Vigo, no estaleiro Cardama, na Asociación de Familias de Persoas con Parálise Cerebral (APAMP), en Menchu Lamas, no Comesaña Sporting Club, na Asociación Down Vigo e na Red Madre.
Abel Caballero confiou en que a proposta saída da xunta de voceiros sexa ratificada polo Pleno da Corporación, unha sesión plenaria convocada para o próximo martes, 22 de marzo.