Neste senso, a plataforma incidiu en que “o mal acordo” do ano 2012 supuxo “empeorar” as condicións do persoal de Povisa e propiciou “recortes” en emprego e salarios, así como a “paralización” do convenio colectivo.
Por iso, vén de esixir que as negociacións tomen como punto de partida o acordo básico pola saúde na área sanitaria de Vigo asinado o 26 de xuño do 2006 pola conselleira de Sanidade, os sindicatos CCOO, UGT e CIG, os empresarios, o conselleiro delegado de Povisa e o vicerreitor de investigación da Universidade de Vigo.
Deste xeito, o sindicato quere que os traballadores do hospital privado recuperen o “emprego perdido” e que os traballadores poidan ter un “convenio digno”.