Fords Mustang, Jaguars E-type, Seats 600 ou 1430 e Citroëns 11 están entre os modelos e marcas que pasearán polas dúas comarcas para o deleite de todos os condutores e do público en xeral que admirará a mecánica e a estética desta industria nos séculos XIX e XX.
Ás 10:30 horas os motores dos coches clásicos e históricos acenderán para viaxar a Salvaterra, As Neves, Arbo, A Cañiza, Mondariz e Mondariz Balneario onde pararán para xantar e regresarán á praza Bugallal de Ponteareas ás 17:30 horas para exhibir as súas máquinas.
A organización ampliou o prazo para que todos e todas as que o desexen poidan participar nesta concentración, para a que tan só hai que inscribirse nos números de teléfono 649 436 328 ou 690 869 347.