A festa ofrece de balde opcións lúdicas para todas as idades, en particular para os máis pequenos. Haberá xogos, obradoiros e actividades inclusivas, sendo algunhas de carácter educativo e de concienciación medioambiental.
Como en anos anteriores, o público infantil poderá contar coa presenza da Policía Local e dos Bombeiros de Vigo en Castrelos. O evento estará aberto de 11.00 a 14.00 e de 16.00 a 20:30 horas tanto o 18 coma o 19 de maio.