«Elara é de Vigo e eu vivín cinco anos en Cerdedo, a carón do Monte Seixo e dende a súa cima podía ver as rías de Vigo, Pontevedra e Arousa. Acordamos encargarse ela do mar e eu da terra. E no mar pintamos o día, a tormenta e o caos no que hoxe vivimos e na terra a noite, a calma e esa cultura antiga que deixou sinais en pedras que existen baixo os nósos pés e ás veces se mostran entre o toxo baixo o musgo a quen saiba ver. E no ceo pintamos o cosmos e Portalén como paso da vida á morte, e volta á vida, como o ciclo da auga, do mar ao ceo e do ceo ao mar», relata Santiso.
A artista quiso facer «fincapé» na importancia «deses sinais ancestrais enterrados nos nosos montes, moitas veces maltratados ou destruídos, desprotexidos, gravados na pedra por miles de anos, por miles de anos sinalados nas nósas lendas e tradicións».
O traballo foi visitado este martes polo alcalde, Abel Caballero, que valorou moi positivamente o labor feito por Elvira e Santiso. “É unha obra de arte excepcional, única, que calquera cidade desexaría ter», afirmou o rexedor.
O mural do espazo deportivo boucense é un dos quince que forman parte do programa este ano o fin de deixar atrás o feísmo e encher de arte os muros e medianeiras vigueses.
Polo de agora, están rematados os proxectos de Bouzas, do pavillón do Berbés, o do Carme, o da rúa Coruña, e o do Colexio Niño Jesús de Praga.