Ademais, nesta terceira edición haberá unha mesa dedicada ás mulleres e a educación financeira dado que “vivimos máis tempo e temos salarios e pensións máis baixas, polo que a toma de decisións sobre os nosos aforros ten aínda máis importancia”, en palabras da presidenta da Deputación de Pontevedra, Carmela Silva, que colabora na celebración do foto.
Entre os 24 relatores que participarán atópanse representantes dos mellores xestores do mundo, que toman decisións de investimento a escala mundial, como Morgan Asset Management, Ey Abogados ou Schroders. A todos eles, o público poderá preguntar as súas dúbidas no foro, que é “dinámico e aberto”, segundo apuntou Diego Esquer, delegado Zona Galicia de Gesvalt, na presentación do evento.
Caterina Ruzza, presidenta do Comité de Educación Financeira da Asociación de Educadores e Planificadores Financeiros, indicou por último que este encontro “está especialmente dirixido a profesionais, empresas e administracións públicas”.