Esta situación aplícase as bacías atlánticas dos concellos da Lama, Pontecaldelas, Fornelos de Montes, Soutomaior, Pontevedra, Vilaboa, Moaña, Cangas, Redondela, Vigo, Nigrán, Gondomar, Baiona, Cotobade e Pazos de Borbén (sistema 1), A Guarda, Oia e O Rosal (sistema 2), e aos concellos da bacía do Río Castro (sistema 3), como Vimianzo, Muxía, Dumbría e Cee.
A prealerta só supón un incremento do seguimento, dado que as grandes reservas de auga da zona presentan un estado normal para esta época do ano e non se ten constancia de incidencias por carestía de recursos en pequenos abastecementos.
Non obstante, pese o menor caudal circulante observado nos ríos, os recursos para o abastecemento dos grandes núcleos de poboación destas zona están garantidos, dada a situación de normalidade na que se encontran os encoros de Zamáns (ao 74,70 por cento), Eiras (78,35 %) e Baíña (59,74) a datos do pasado 5 de setembro. A situación actual podería chegar a afectar só a pequenos abastecementos que se nutran de captacións directas nos ríos ou pozos, aínda que polo momento non se ten constancias de incidencias neste aspecto.
O seguimento continuo da situación hidrolóxica que Augas de Galicia leva a cabo nas bacías da súa competencia, indican que os datos das concas do sur e os correspondentes ao río Castro no noroeste presentan unha abundancia hídrica sensiblemente inferior a situación que se considera normal para esta época do ano, no que respecta aos niveis e caudais circulantes polos ríos da zona.
Por este motivo, e seguindo o protocolo definido no Plan de Seca, tomouse a decisión de activar o estado de Prealerta por posibilidade de seca hidrolóxica para este sistemas; co fin de poder coordinar de forma máis eficaz, co resto de administracións, medidas preventivas para paliar os posibles efectos dunha seca hidrolóxica, de considerarse necesario.
Normalidade nas bacías restantes
As restantes concas da Demarcación Galicia- Costa presenta unha situación de normalidade, xa que os encoros rexistran unha porcentaxe alta de volume encorado e con caudais e niveis de auga nos ríos normais no final do período de estiaxe.
Non obstante, Augas de Galicia manterá un seguimento continuo da evolución da totalidade de encoros e ríos, situación que trasladará a vindeira semana nunha reunión da Oficina Técnica da Seca (OTS), e que está constituída por técnicos de Meteogalicia, Medio Rural e Augas de Galicia, e que se encargarán de interpretar a situación e coordinar as diferentes actuacións que se consideren necesarias nesta situación.
Augas de Galicia recomenda as administracións locais adoitar as medidas necesarias para reducir o consumo urbano da auga naqueles usos prescindibles ou accesorios e promover os mexases de aforro á poboación. Tamén se fai un chamamento á poboación en xeral para facer un consumo responsable da auga; e de xeito especial, nas zonas nas que se activa a prealerta.