As clases están destinadas ás fillas e fillos dos membros da comunidade universitaria, entre os 12 e os 16 anos e desenvolveranse durante os meses de febreiro, marzo e abril todos os sábados de 11.30 a 13.30 horas.
O prezo da actividade é de 10 euros por persoa e mes. Nas xornadas, os rapaces e rapazas participantes adquirirán coñecementos básicos que lles permitan iniciarse na práctica da escalada en rocódromo, tomar contacto co material preciso, coñecer as medidas de seguridade, as técnicas, os tipos de ancoraxes e os agarres cos que contan as paredes do rocódromo.
O número de prazas é limitado e o prazo de inscrición está aberto dende o día 15 de xaneiro para todas e todos os interesados.