«I´m not there» repasa a vida do último gañador do Premio Nobel de Literatura, a través de varias historias: Woody (interpretado por Marcus Carl Franklin) é un Dylan neno de once anos que está sempre a fuxir; Robbie (Heath Ledger) é un artista mullereiro que vive na estrada. Jude (Cate Blanchett) é un mozo andróxino, estrela do rock; John (Christian Bale) é un ídolo folk que se converte en evanxelista e Billy (Richard Gere) é un famoso fuxitivo.
Cate Blanchett estivo nominada ao Oscar pola súa interpretación e obtivo o Globo de Oro á mellor actriz de reparto. Presentarán a película e moderarán o coloquio posterior os profesores do Centro de Linguas, Keith Payne e Jeff Beasley.
CICLO CINE E LINGUA I´m not there (Todd Haynes, 2007) Data: 30 de novembro Hora: 20.00 h // Entrada libre e gratuíta ata completar aforamento Lugar: Auditorio Edificio Cambón: Rúa Oliva, 3. Casco Vello. Vigo. |