Infantil feminino: Navarra, 20-Galicia, 27. As rapazas de Alejandro Ocampo tiveron algúns problemas na primeira parte. As galegas tiñan problemas para superar a defensa das navarras pola súa envergadura e o seu 6:0. Tralo paso por vestiarios, as galegas atoparon a forma de superala, grazas a unha grande defensa que lles permitía moitos roubos de balón en contraataques en superioridade. Así chegou a segunda vitoria do torneo. Agora a pensar na terceira xornada do campionato fronte a Valencia (18:00 horas).
Goleadoras: Sarai Espiñeira (4), Silvia Leiras (2), Sandra Blanco (1), Ana Fernández (1), Aitana Santomé (1), Andrea Fernández (5), Celia Pedreira (3), Sandra Sánchez (4), Ángela Rodríguez (5), Ruth Sánchez (1), Sara López (1).
Infantil masculino: Galicia, 24-Castela a Mancha, 24. Primeira parte moi traballada por parte da selección galega, que logrou ir por diante no marcador con pequenas rendas. Ao descanso, dous goles a favor dos galegos (13-11). Pero un mal iniciou na segunda parte permitiu a Castela a Mancha meterse no partido e mesmo chegar a poñerse por diante. Así, a falta de tres minutos para o final do choque, tiña unha vantaxe de tres goles. Pero unha gran reacción dos galegos permitiulles conseguir o empate no último segundo do partido. O combinado galego xogará este domingo (12:00 horas) contra Madrid, primeiro de grupo cunha vitoria e un empate. O equipo galego entregou unha camiseta asinada por todos a Andrés Urbieta, xogador que estivo adestrando coa selección durante estes últimos meses ata que caeu lesionado de gravidade hai unhas semanas en partido de Liga. Andrés pediu aos seus pais ir ver o campionato e os seus compañeiros quixeron ter ese detalle con el.
Goleadores: Roi Sierra (3), Andrés Alonso (1), Mario Chan (1), Xurxo Rivas (3), Brais González (7), Isaac Cabanelas (6), Eduardo Cousillas (3).
Cadete feminino: Valencia, 36-Galicia, 26. Complicado encontro para as deportistas galegas que, a pesar de que comezaron gañando, pronto se viron superadas polo conxunto valenciano. Os numerosos erros defensivos e os fallos no lanzamento perxudicaron claramente ao conxunto galego que foi perdendo ao descanso cunha desvantaxe de 6 goles. A situación repetiuse na segunda parte, concluíndo o partido 36-26 a favor das valencianas. Este domingo, a selección galega enfrontarase a Castela a Mancha (18:00 horas).
Goleadoras: Raquel Sineiro (4), Anabel (1), Zara (3), Xiana (1), Alicia (1), Uxía (2), Ana (2), Carmen Prelchi (7), Marta (3), Carmen (2).
Cadete masculino: Galicia, 27-Andalucía, 29. Partido competido dende o primeiro minuto, onde a selección galega cedía a iniciativa no marcador, pero non no xogo. Os erros de lanzamento lastrou ao equipo que non podía poñerse por diante no marcador. Ao descanso, 14-16. Na segunda parte Galicia gañou consistencia en defensa, confianza no seu xogo e identidade. Así, chegamos ao final do partido con todo por decidir. A falta de 2 minutos, empate a 26 goles, pero ao final non puido ser: Dúas malas decisións permitiron a vitoria de Andalucía (27-29). Este domingo, a selección galega xogarase o pase á segunda fase fronte a Canarias (12:00 horas).
Goleadores: Pablo García (1), Jose Leiras (2), Pedro Toimil (2), Teray Soutullo (2), Juan Carlos Rodríguez (3), Carlos Vilanova (7), Daniel Ramos (5), Miguel Pousa (5).
Xuvenil feminino: Galicia, 31-Asturias, 22. Dende o comezo do encontro Galicia foi por diante no marcador con claridade ata conseguir unha vantaxe de 12 goles. As asturianas non conseguiron achegarse no marcador, polo que o adestrador galego tivo a posibilidade de realizar cambios e dar respiro ás xogadoras pensando no importante partido deste domingo contra Cataluña (18:00 horas).
Goleadoras: Inés (1), Gemma (7), Cova (2), Nuria (5), Sara Pérez (1), Sara Carril (2), Bea (4), Sandra (3), Laura Rúa (6).
Xuvenil masculino: Castela León, 36-Galicia, 34. A selección galega tiña un partido complicado por diante, ante un dos favoritos. Pero na primeira metade o choque estivo moi nivelado con constantes empates no marcador ou vantaxes mínimas. Ao descanso, 19-18 para os casteláns. Na segunda parte, as perdas de balón dos galegos e algúns erros nos lanzamentos fixeron que a balanza se inclinase a favor de Castela León. Este domingo xogarán contra Andalucía (12:00 horas), que leva dúas derrotas no casilleiro.
Goleadores: Rubén (5), Vidal (3), Campos (5), Román (8), Díaz (1), Barco (1), Aser (3), Felipe (1), Samuel (1), Igrexas (3), Dani (3).
