Don Afonso V concede ao arcebispo de Santiago a igrexa e couto de San Pedro de Benevivere (Bembrive), no termo de Vigo. Como queira que anteriormente a coroa fixera doazóns nestas terras ao mosteiro cisterciense de Melón, este xulgouse con dereitos par invocar un señorío temporal sobre a parte da comarca viguesa- Bouzas e Coruxo eran señorío do bispo de Tui- que finalmente correspondeu por enteiro á mitra compostelá.
29 de outubro de 1024. Xosé María Álvarez Blázquez. «A Cidade e os Días. Calendario Histórico de Vigo» (Xerais, 2008)
