Máis de 36.000 escolares comezaron este luns as clases na área de Vigo

Segundo estimacións da Xunta de Galicia, 11.167 alumnos se incorporaron as aulas de educación infantil e 25.316 no caso de primaria. No que atinxe á educación especial, o número estimado de matriculados para este curso é de 346.

Inauguración do curso
Co motivo do arranque oficial do curso para os alumnos de infantil e primaria, o delegado da Xunta en Vigo, Ignacio López Chaves, desprazouse hoxe ata o CEIP Canicouva na cidade olívica. Un acto institucional que realizou acompañado pola portavoz municipal del PP, Elena Muñoz, a deputada Teresa Egerique e o senador Miguel Fidalgo.

En declaracións á prensa, o representante do Goberno galego na área territorial de Vigo non pasou por alto o “boicot” do alcalde da cidade, Abel Caballero, quen estaba convidado ao acto e lonxe de desculpar a súa ausencia “contraprogramou unha visita a outro colexio”. “A falta de lealdade institucional, incluso con temas afastados da política, como neste caso o inicio do curso escolar, déixao en evidencia”, en palabras de López-Chaves.

“Goberna Vigo coma se fose un «cortijo» e considera aos vigueses os seus inquilinos”, apuntou, ao tempo no que chamou a atención sobre “a confrontación permanente na que se encontra instalado o alcalde”, en clara referencia ao seu intento de boicotear todo canto proxecto lidera a Xunta de Galicia en Vigo. Neste senso citou a Cidade da Cultura, o hospital, a intermodal ou o transporte metropolitano, entre outros.

“Mandámoslle o venres a invitación ao alcalde e aos grupos da oposición. Non foi ata o domingo cando soubemos, e non porque nolo comunicara Caballero, que tiña pensado utilizar este acto con fins políticos”, indicou o delegado. Xa para terminar, López-Chaves quixo reclamarlle ao alcalde que atenda as súas obrigacións coa ensinanza pública de conservar, manter e vixiar os centros e “non siga a incumprir as súas responsabilidades”.