O martes 2 de maio entrará en funcionamento a liña H3, que unirá Teis co hospital Álvaro Cunqueiro, una conexión «de grande interese porque fará un percorrido de moita demanda». Tal e como detallou Caballero, a viaxe de ida saíra de García Barbón «Calzada» -Sanjurjo Badía- Bos Aires-Travesía de Vigo-Aragón- Jenaro de la Fuente-Ramón Nieto- M. Álvarez -Estrada vella de Madrid-Seminario- Lameiro- Estrada Marco-Saa-Seixo, Estrada Venda e Hospital Álvaro Cunqueiro. A volta será rápida e flexible porque só parará para deixar viaxeiros.
Nun principio, as saídas desde García Barbón serán ás 07,45 e ás 11,00 horas, e desde o hospital sairán ás 10,15 e ás 13,15 horas. Segundo como evolucione a ocupación, o alcalde avanzou que se farán os reforzamentos de frecuencias que sexan precisas.
En rolda de prensa, Caballero explicou que nestes momentos as liñas que nestes momentos están a prestar servizo ao Álvaro Cunqueiro (H, H1, H2, L6, L12B, L18 e agora a H3) moven diariamente sobre 2.300 usuarios nun total de 137 viaxes e non descartou a implementación de novas conexións ou frecuencias.
Junta de Goberno
O rexedor deu conta dunha resolución do Tribunal Administrativo Central de Recursos Contractuais que rexeitaba un recurso e validaba a adxudicación do servizo de limpeza dos colexios públicos e escolas municipais realizada polo Concello o pasado 3 de febreiro. Como é habitual, o Tribunal Administrativo Central paralizou provisionalmente o procedemento e, unha levantado o recurso, procederemos a formalizar contrato coa empresa adxudicataria.
