INFANTIL FEMININO: Galicia, 21 – Valencia, 24
As minigalaicas perderon contra Valencia, no segundo partido do Campionato, un choque que estivo condicionado polos erros da primeira metade. As rapazas de Carla Abad comezaron moi frouxas, con erros tanto en ataque coma en defensa, o que permitiu as valencianas escaparse no marcador (0-5). Pouco a pouco as locais comezaron a incrementar a intensidade e foron acortando distancias ata chegar ao descanso cun 10-13.
Na segunda parte as nosas deportistas seguiron traballando para achegarse nomarcador, pero non puideron recortar as distancias que arrastraban dende o inicio, para finalizar o choque a tres goles de Valencia. Este xoves xogan con Asturias, líder do grupo con dúas vitorias, ás 17:45 horas (CGTD).
Galicia, 21: Mariam Mera, Alba Afonso (8), María González (1), Lucía Álvarez, Helena Sánchez, Carla Baltasar (2), Mara González, Athenea Barreiro (1), Naira González, Claudia Peña, Lucía Villamarín, Aroa Patiño, Yaiza Alonso (6), Carla Vidal, Lorena Vaello (2), Noelia Solla (1).
Valencia, 24: Sabina Mínguez, Claudia Juan (4), Estela Ballesteros (1), Candela Galindez (1), Alejandra Sánchez (5), Andrea Herraiz, María Pilar López, Martina Antillaque (3), Elena Balaguer, Nuria Cardona, Marta Botella, Paula Zamora, María Carrillo (9), Paula Parro (1).
Árbitros: Gabriela Marinela e Kalina Veselinova (Castela e León).
Parciais: 1-5, 4-8, 5-9, 8-10, 10-13, 10-13 (descanso), 11-15, 14-19, 17-20, 19-21, 21-24, 21-24 (final).
INFANTIL MASCULINO: Aragón, 25 – Galicia, 17
Dura derrota da selección galega infantil masculina no segundo partido de fase de grupos. Aragón, moi firme en defensa, deixou sen opcións a unha tibia Galicia en ataque que só puido ver como o rival aumentaba progresivamente a vantaxe a gracias a rápidos contraataques. Partido trabado no que as exclusións foron a tónica dominante.
Con estas dúas derrotas, Galicia queda con poucas opcións para lograr a clasificación para os cuartos de final. A única posibilidade é un triplo empate e cunha vitoria moi ampla dos galegos para enxugar a diferencia de goles que nestes intres está na súa contra. Este xoves Galicia xoga contra Castela e León (13:00 horas) no Municipal de Pontevedra.
Aragón, 25: Alejandro López, Daniel Alonso, Fernando Asensio (1), Lucas González (3), Carlos Guijarro (1), José Tomás (2), Alberto Torrus (2), David Lozano (5), Manuel Álvarez Pérez (2), Mario Nicolás Hernández (5), Samuel Jiménez, Mario Flores, Javier Mamblona (3), Cristian García (1).
Galicia, 17: Daniel Pérez, Vicente Enrique Domínguez (1), Manuel Pérez Mateos (3), Manuel Couso (1), Julián García, Esteban Puñal, Gael Blanco (1), Rubén Sequeiros (5), Sergio Blond (1), Roberto Castro, Jorge López de León, Diego Rodríguez (1), Martín Fuentes (1), Pablo Gándara (1), Jorge Domato (2), Luis Álvarez.
Árbitros: Saúl Menéndez e Jorge Murás (Asturias)
Parciais: 2-1, 6-3, 9-6, 11-7, 14-8, (descanso), 16-11, 16-12, 19-13, 22-15, 25-17, 25-17 (final)
CADETE FEMININO: Galicia, 26 – C. Valenciana, 33
Segunda derrota para a selección galega cadete feminina, nun partido máis igualado do que amosa o marcador, aínda que Valencia case sempre foi por diante. Só nos primeiros minutos Galicia foi mandando, cun gran inicio de partido o que fixo que no minuto 10 o resultado fose de 5-3 para as galegas. A partir de aí, dominio do equipo visitante, que pronto lle deu a volta ao partido e chegou a poñerse 4 tantos arriba no minuto 20. As galegas conseguiron remontar e empatar antes do descanso, pero dúas perdas de balón fixeron que o resultado no descanso fose de 11-13, para Valencia.
Tralo descanso, igualáronse as forzas, con distancias moi curtas no marcador, aínda que Galicia non conseguía remontar totalmente. Pero a partir do minuto 15 da segunda metade, Valencia conseguiu unha marxe de 4-5 goles que mantiveron ata o final. Nos últimos minutos, Galicia probou unha defensa presionante para tentar reducir distancias, pero as valencianas souberon superar esa presión e lograron unha vitoria aínda máis ampla. Este xoves, Galicia buscará a clasificación contra Euskadi (18:00 horas).
Galicia, 26: Adriana Ayude, Adriana Mallo (2), Antía Seijo (5), Verónica de Cristófaro, Silvia Leiras (1), Ithaisa Trigo (5), Carme Castro (1), Marta Dasilva (2), Area Martínez, Paula Gómez, Antía Estévez, Sara Román, Ana Benavides, Laura Magdaleno (2), Sabela Abalde, Sabela Miniño (7).
C. Valenciana, 33: Aitana Benítez, Lucía García (1), Ana Adrián (2), Naiara Rubira (9), Nuria Herráez (1), Marina Arroniz, Julia Martorell, Arantxa Lozano, Paula Vicente, Paola Bernabé (7), Zaira Benítez (4), Lucía Guilabert (1), Irene Botella (1), Maria Cardona (7).
Árbitros: Jorge Monjo y Sergio Jaramillo (Madrid)
Parciais: 3-1, 5-3, 5-8, 6-9, 9-11, 11-13 (descanso), 13-16, 17-19, 18-23, 20-25, 24-28, 26-33 (final).
CADETE MASCULINO: Euskadi, 28 – Galicia, 31
Galicia necesitaba unha vitoria neste segundo partido do campionato, trala derrota da primeira xornada contra Valencia. Enfronte, a selección de Euskadi que vencera no choque inaugural.
Comezou o choque cun ritmo frenético. Sen un segundo de respiro, a velocidade provocou algúns momentos de precipitación entre os galegos o que permitía aos vascos ir por diante no marcador, aínda que con distancias moi curtas grazas a gran actuación de Pablo na portería. Ao descanso, 12-12.
Na reanudación, a maior profundidade de banco dos galegos sumado a unha grande defensa e unha portería doutro nivel fixo que os galegos conseguisen unha renda de ata 5 goles (e con balón no seu poder). Pero os nervios nos instantes finais (fallouse tamén un penalti) e unha exclusión provocaron un certo sufrimento, ata que se concretou a vitoria final por 31-28. Primeira vitoria galega baseada nun bo traballo defensivo e o ánimo da afección, que os levou polos aires. Este xoves, o equipo de Sergio Carballeira xogará a última xornada de grupo contra Castela a Mancha (10:30 horas, Navia).
Euskadi, 28: Daniel Ruiz, Oider Unaue (2), Michele Zanon, Unai Begoña, Martín Santano (2), Joseba Aranburu, Íñigo Santa Coloma, Niklas Ramis (3), Eneko Furundarena (5), Enoch López, Harri Lasa (3), Julen Urruzola, Aritz Sánchez (2), Gorka Nieto (11), Víctor Cabado.
Galicia, 31: Pablo González, David Álvarez, Carlos Álvarez (8), Mario Cancela, Víctor Fernández (5), Diego Pérez (3), Roi Gallego (5), Jaime Leira (1), Javier Iglesias (2), Carlos Mariño, Daniel Gómez, Anxo Fraga, Alejandro López, Román Arboleya (2), Alejandro Gómez (5), Mateo Arias.
Árbitros: Francisco Fernández e Adrián Rodríguez (Asturias).
Parciais: 1-1, 4-3, 7-5, 11-9, 11-11, 12-12 (descanso), 16-17, 18-20, 22-24, 22-28, 26-29, 28-31 (final).
XUVENIL MASCULINO: Andalucía, 30 – Galicia, 21
Partido de clara superioridade dous andaluces ante a selección galega xuvenil masculina. Comezaba Galicia enchufada, defendendo e correndo tal e como lle gusta a este equipo. Así o parcial inicial foi de 1-4 a favor dos galegos nos 5 primeiros minutos de xogo obrigando ao adestrador do conxunto andaluz a pedir tempo morto para reactivar e corrixir aos seus xogadores. E deu resultado xa que no minuto 15 lograron poñerse por diante (8 – 7). E a partir de aí, coas paradas do seu porteiro e contraataques en segunda oleada, logrou distanciarse no marcador (18-10, ao descanso).
Na segunda metade a tónica foi bastante similar. Comezou Andalucía como acabara antes do descanso: Defendendo, parando o seu porteiro e correndo. De tal xeito aumentarían a diferenza ata chegar a obter unha renda de 10 goles no minuto 15. Un pequeno arreón do combinado galego baseado na defensa e a aportación dende a portería Rökkvi Pacheco, fixo crer posible a remontada ao Central das Travesas, reducindo a 6 goles a diferenza no electrónico. Pero foi entón cando o porteiro andaluz volveu aparecer para borrar calquera indicio de igualada galega. Este xoves, partido ás 18:00 nas Travesas ante Aragón onde o equipo seguirá confiando e loitando polo liderado do grupo.
Andalucía, 30: Roberto Rodríguez, Pedro Castro (2), Jorge Luis Fernández (5), Raúl Pavón (2), Pablo Tiessler, Francisco Javier Cintas (4), Carlos Tiessler (1), Juan Palomino (3), Domingo Jesús Luis (8), Javier Arribas (2), Pablo Fernández (1), Juan Marcos Renema, Carlos Gonzales, Pedro Reina, Francisco Alcaide, Miguel Ángel Iniesta (2).
Galicia, 21: Víctor Doval, Javier Figueroa (5), Cristian Remeseiro, Brais González, Rubén Fernández (1), Roi Sierra, Andrés Vila (5), José Leiras (1), Álvaro Preciado (5), Rokkvi Pacheco, Bruno Vázquez (4), Martín Gayo, Yago Santomé, Daniel Fernández, Samuel Barciela, Gonzalo Domínguez.
Árbitros: María Fernanda Espino y David Deniz (Canarias).
Parciais: 1-4, 5-6, 8-7, 12-8, 15-9, 18-10 (descanso), 19-11, 22-12, 25-15, 26-18, 27-19, 30-21 (final).
XUVENIL FEMININO: Na Copa de España, Galicia descansou na xornada de hoxe e mañá enfrontarase a Aragón (16:00 horas, Berbés).
Críticas de PP
Por outra banda, O PP califica de «esperpento nacional» que varios partidos non se puidesen xogar en Vigo por culpa das pingueiras e a condensación nalgunhas pistas viguesas. O concelleiro popular Diego Gago lamentou o «espectáculo lamentable que está a dar Vigo ante os 8.000 visitantes que despraza o torneo entre xogadores, acompañantes e turistas» e destacou que o seu grupo «vén denunciando desde hai tempo o estado de abandono dos pavillóns municipais, con numerosas pingueiras e condensacións que converten as pistas en impracticables».
