A presidenta da Deputación, Carmela Silva, e o alcalde de Tui, Enrique Cabaleiro, recibiron este xoves ao grupo de xornalistas internacionais e persoas encargadas da realización de críticas musicais, produción, dirección de festivais e discográficas que están a participar nun press trip con motivo do Festival Sinsal Son Estrella Galicia, que terá lugar do 21 ao 23 de xullo na Illa de San Simón.

A praia dos Frades converteuse a noite deste martes nunha grande pista de baile. Centos de persoas non quixeron perderse a apertura da cuarta edición do Frades Sunset Festival, a cita coa música electrónica que xa é unha referencia en Galicia, e asistiron a unha primeira xornada que ofreceu sete horas ininterrompidas con todas as mesturas posibles nos sintetizadores e na que volveu a ser un éxito a zona chill-out e os “food-truck's”.

O Concello de Nigrán ofrece o 21 e 22 de xullo o seu novo festival 'Solpor', un evento musical que une a sublime localización e vistas do miradoiro de Monteferro á tardiña coa música dalgúns dos mellores grupos locais.

O Concello de Baiona xa ten todo preparado para acoller durante os dous vindeiros días, 18 e 19 de xullo, o Frades Sunset Festival, que chega a súa cuarta edición sendo xa a cita coa música electrónica de referencia en Galicia.

Yaggo, o DJ baionés que triunfa no panorama internacional da música electrónica, será o encargado de abrir e pechar a cuarta edición do Frades Sunset, o festival gratuíto que organiza o Concello de Baiona e que nesta ocasión amplíase a dous días (18 e 19 de xullo).

A programación musical da primeira edición de Vive Nigrán contará con catorce propostas do panorama nacional independente e catro dj’s.