O percorrido incluirá o Paseo de Alfonso (residencia de MA); a Praza de Calatrava, para falar da vida do Vigo mariñeiro e do mundo dos prostíbulos; a Porta do Sol (entrada de Príncipe), coa sombreirería de José Mella, pai de Ricardo Mella; El Pueblo Gallego; estudo de Urbano Lugrís; o Tamberlick e a asemblea nacionalista; o antigo café Derby (no encontro de Príncipce con Urzáiz), onde fixo parladoiro; Marqués de Valadares (casa de Álvaro Cunqueiro), o outro gran poeta das vangardas, que admirou a Manuel Antonio; as Avenidas (bar Puerto), e o seu reflexo no poema Navy Bar; e o espigón, lugar de peche.
A reserva de prazas, que xa está aberta, debe tramitarse a través do teléfono 986 810 281 en horario de 09.00 a 14.00 horas. O evento está limitado a 50 persoas.
