Seis grupos na nova Mostra Internacional de Teatro Universitario de Vigo

Trátase do seu trixésimo montaxe e poderá gozarse o vindeiro 5 de abril no Teatro de Cidade Universitaria do Campus de Vigo. Como é de esperar, ao tratarse dun texto do autor italiano, a obra da Aula de Ourense está chea de lirismo e mundos oníricos. A historia sitúa a catorce personaxes na última cornixa do mundo na que se atopa a pousada Almayer, lugar nas lindes da existencia, suspendida sobre o mar, onde a terra acaba. Nese sitio atópanse un pintor que procura pintar o mar co mar, unha muller que está para sandar de adulterio, un escritor que escribe unha enciclopedia sobre os límites da natureza, unha rapaza que quere vivir e fuxir da morte e do medo ou unha monxa que crea oracións.

A seguinte obra será a da Compañía de Teatro da USC-Lugo coa obra Paz perpetua, do dramaturgo Juan Mayorga quen lle debe o título ao ensaio filosófico de Inmanuel Kant publicado en 1795. Dirixida por Paloma Lugilde, a obra trata da competición que emprenden un rottweiler, un dóberman e un pastor alemán para conseguir o cobizado colar branco e con el a distinción de can antiterrorista de elite. Para iso, terán que superar diferentes probas que acaban situándoos -e xunto con eles, tamén aos espectadores- diante dun dos grandes dilemas éticos da vida política e social de hoxe. A obra representarase o 24 de abril no teatro de Cidade Universitaria do Campus de Vigo.

Ao día seguinte, o 25 de abril, será a quenda do Grupo de Teatro da ESAD-Comedia da Arte, con Don Giovanni. Parodia do famoso mito de Don Xoan, baséase na obra de José Zorrilla para analizar os canons clásicos da Comedia del Arte. Dirixida por Nando Llera, once actores encherán o escenario de música, acrobacias e moito humor nunha obra chea de crítica social.

A última representación prevista desta 19 edición da Miteu no teatro de Cidade Universitaria será a da Aula Universitaria do Campus de Vigo, con Éxodos. Cun elenco de dez actores, a obra gozarase o 26 de abril. Dirixida por Pepa Barreiro, conta pequeñas escenas de vida en forma de éxodos, reflexionando sobre o mundo que estamos a construír e tamén denunciando a súa existencia que non podemos negarnos a ver.

As últimas dúas función do cartel da Miteu representaranse no Auditorio do Concello de Vigo. A primeira delas será a cargo da Compañía de Teatro da UC3M Carlos III co espectáculo La marquesa Rosalinda, de Ramón María del Valle Inclán. Dirixida por Abel González Melo, nela fúndense exquisitamente a tradición da Commedia dell’Arte e o teatro de estilo cortesán. A Marquesa Rosalinda vive farta do seu home, o Marqués Don Froilán, moito maior ca ela, e cae rendida aos encantos de Arlequín, quen acaba de chegar co carro da farsa, xunto a Colombina, Pierrot e Polichinela, a instalarse nos xardíns de palacio. Ao decatarse dos amoríos, o Marqués encarga a dous bandidos que dean un bo susto a Arlequín…

Por último, pechará a Mostra o 3 de maio o grupo Bin Kadi So de Costa de Marfil coa obra Dans L’indendie, de Marie-José Hourantier a partir de Laurent Fréchuter. Trátase dunha fantasía heroica, unha serie de variacións sobre unha campesiña, Xoana de Arco, queimada pola vida, atravesada por voces, facendo teatro de todo. Unha Xoana africana, facendo a figura da paz.ral mapoiar TAmçen no No eido

A entrada a todas as obras teatrais é libre ata completar aforamento.