A asociación Vellez Digna, integrada na Federación Galega pola Defensa dos Dereitos de Usuarios de Residencias, informou este martes de que os seus avogados acaban de interpoñer recurso de apelación contra o auto de sobresemento provisional dás querelas contra a residencia DomusVi de Aldán (Cangas).
«Estamos alucinando, é un atraco, din que cando hai un problema podemos ir a Xustiza, pero non, o que podemos é ir ao xulgado, pero á Xustiza non», apuntan desde o colectivo tras coñecer a decisión xudicial. A titular do Xuzgado de Primera Instancia e Instrucción Número 3 de Cangas dictou un auto o pasado 25 de marzo polo que decretaba o sobreseimiento provisional da causa, dirixida contra a CEO de DomusVi en España, Josefina Fernández; contra a directora do centro, Laura Cancelo; e contra os altos cargos da Xunta: o entonces director xeral de Maiores e Persoas con Discapacidade, Ildefonso de la Campa, e a xefa de Inspección de Maiores e Discapacitados, Berta Besada.
O recurso presentado agora, segundo indican nun comunicado, articúlase en tres piares. Por unha banda, apuntan á insuficiente actividade instrutora que permita decidir sobre a existencia de indicios de perpetración dos delitos (delito de lesións e homicidio por imprudencia profesional grave e abandono de incapaces). «A este respecto e especialmente destacable resulta a extensa solicitude de proba que foi formalizada, habendo unicamente acordado o requirimento de documental á residencia (Geriatroas S.A.U.) e a emisión de dictame médico-forense», sinalan.
Por outra banda, o recurso incide nas irregularidades «manifestas» no contido dos ditames técnicos, que impiden tomalo como base ou fundamento do sobresemento (única proba na que se apoia para
decretalo).
Ademais, sinalan á falta de motivación do auto, posto que consideran que unicamente recolle nun dos seus parágrafos o fundamento do sobresemento, con apoio na opinión da experta. A este respecto no
recurso atácase, precisamente, a lexitimación desta profesional para valorar a intervención nos feitos das catro quereladas ( CEO de Domusvi, directora do centro e Inspección), debido a que o seu criterio debería cinguirse á intervención no seu caso do persoal sanitario.
«Entendemos que o xuíz de instrución está a prexulgar o asunto, cando o seu labor é identificar posibles indicios de comisión dos feitos delituosos que se denuncian», conclúen.
