A intersección entre as rúas Cruceiros e Barreiras encóntrase agora totalmente liberada, sen ningún obstáculo que entorpezca ou dificulte a conducción nunha zona na que precisamente se rexistra moito tránsito de veciños ao tratarse dun barrio moi habitado. O goberno de Nigrán cumple así cun dos seus compromisos de actuación nos núcleos ruráis. «Esta pequena obra implica unha mellora na seguridade viaria, a posta en valor do patrimonio e, consecuentemente, mellora da imaxe da parroquia. Para un veciño que vive aquí e que pasa tódolos días polo cruce o soterramento ten unha importancia enorme», indica o alcalde, Juan González, quen suliña que deste xeito tamén se pon en valor o cruceiro, completamente eclipsado antes cos cables e o poste.
