A cuestión, dictaminada favorablemente na comisión informativa desta semana, precisa ir ao pleno para dotala do crédito de 133.000 € que lle corresponde aportar ao Concello e que sería a cargo do convenio de aproveitamento de Porto do Molle asinado en 1999 con Zona Franca. O proxecto, que deberá estar executado antes do 31 de outubro deste ano, contempla a sustitución da capa de rodadura, nova iluminación, instalación de saneamento e mellora da sinalización horizontal e vertical e creación, ademais, dun cebreado peonil pintado e delimitado lonxitudinalmente.
“Trátase de dúas rúas fundamentais no acceso a Porto do Molle e ao IES Val Miñor e que actualmente se atopan en pésimo estado, cun firme completamente deteriorado, provocando as lóxicas queixas dos seus usuarios, polo que consideramos esta obra prioritaria”, resume o alcalde, Juan González.
A rúa Ponte Muin?a é de dobre sentido cun ancho medio de 6,3 metros e unha lonxitude de 700 metros, mentras que a rúa Ga?ndara ten sentido u?nico, un ancho medio de 7 metros e unha lonxitude de 381,2 metros. Non goza de beirarrúas ou delimitación para peóns, por iso, co obxectivo de reforzar a seguridade dos camiñantes, contémplase a creación dunha senda peonil mediante o pintado dun cebreado lonxitudinal que permitirá dar continuidade ás beirarrúas incompletas do entorno da glorieta que da acceso ao parque en Ponte Muíña. A senda tamén dará continuidade as beirarrúas da rúa Gándara, ao lado do Mercadona.
“Desde o goberno consideramos que a forma natural e básica de desprazarse é camiñando, polo que a renovación dunha estrada non pode contemplar só aos vehículos, en cada proxecto prestamos sempre especial atención á seguridade do peón”, destaca González. «Era un dos compromisos que asumimos cos veciños e foi incluído nos orzamentos», engade.
A obra inclúe tamén a instalación de saneamento e unha renovación do aglomerado e da sinalización vertical e horizontal, ademais de instalar 33 novos puntos de de luz formados por unha columna de 8,60 metros de altura e con brazo de 1 metro e luminaria LED con regulacio?n automa?tica preprogramada.
