A música e a diversión foron as protagonistas este sábado en Gondomar, donde celebrouse o seu primeiro Entroido de Verán. As rúas da vila condal acolleron aos veciños disfrazados para a celebración carnavalesca e para asistir á actuación do grupo Trío Azar.
«Poñíanse uns puntos suspensivos a un programa que tiñamos claro que iamos recuperar”, afirmaba hai uns días o alcalde de Gondomar, Paco Ferreira. No seu día xa se comprometeu “a celebralo nos meses de verán, a desempoar disfraces, máscaras e as ganas de divertinos no mes de xullo”. Este sábado, a promesa cumpliuse.
As 17.30 horas deuse o pistoletazo de saída á que foi a I Edición do Entroido de Verán de Gondomar, á que asistiron os veciños coas súas mellores galas carvaleras para rir e pasar un bo intre. O Entroido chegou acompañado polo grupo Sarao Animación que durante toda a tarde animaou as rúas coa súa “Fantasía de circo” na que 10 personaxes fantásticos e relacionados coa vida circense animaron as rúas do centro de Gondomar co seu carro musical, desde o que convidaron a bailar a grandes e pequenos, aos que se propuxeron xogos.
E na Praza Paradela, a partir das 21,00 horas,a Orquestra Trío Azar amenizou o serán deste entroido tan esperado e que Gondomar confía en que se repita tras sentar un precedente que sirva para pensar en novas edicións para os próximos anos.
