O Sergas manterá o cribado con cita previa no Auditorio de Goián ata o luns. O horario é de 09.00 a 14.00 horas e as persoas interesadas poden apuntarse a través da web de Sanidade. Dende o Concello lembran que só se pode asistir con cita previa para evitar aglomeración e longas esperas.
A Consellería de Sanidade mantén abertos tres puntos de cribado en Vigo, nas estacións de tren de Urzaiz e Guixar e no aeroporto de Peinador (este último só para viaxeiros). Ademais, conta con puntos itinerantes en Cangas, Ponteareas e o mencionado de Tomiño.
