As mozas e mozos poderán elixir entre diferentes actividades: obradoiros de hip hop, de cultura asiática (akv events, random, play, karaoke), de manga (cómic, videoxogos), de rap e de produción musical; eventos como jams de baile (baile improvisado), batallas de freestyle, scape room e clases puntuais con blogueiras/os coñecidos. As actividades desenvolveranse dende os venres e ata os domingos, entre as 17:00 e as 21:00 horas.
Este programa de ocio procura ofrecer á mocidade alternativas lúdicas e participativas no seu tempo de lecer para previr o consumo de substancias estupefacientes e outras adiccións, así como fomentar un estilo de vida positivo que promova as relacións de respecto e igualdade.