Entre as 17.00 e as 20.00 horas, a cidade programa distintos obradoiros infantís en ambas localizacións: cabazas de Samaín, maquillaxe e tatuaxes de terror, cabazas con globos, a man da bruxa, móbiles e figuras terroríficas… Na Porta do Sol, a xornada complétase co pasarrúas ‘Draco’ a cargo de Troula Animación, desde as 19:30 horas con saída no farol de Urzaiz.
No Calvario, en paralelo aos obradoiros infantís, o público asistente poderá gozar de ‘Matilda’, a animación de Koremi Rehabilitación, entre as cinco e as oito da tarde. A partir das 20.00 horas celebrarase un serán tradicional coa Asociación Folclórica e Cultural O Fiadeiro.