Mentres tanto, a actividade no club non se detén e continúa a elaboración do plantel para a vindeira tempada. Nas últimas horas, perfilouse gran parte da estrutura defensiva da formación. Á renovación xa anunciada de Gándara e á incorporación de Ronald Lezcano únese a continuidade de Javi González e Lucas Fernández.
Javi chegou en decembro ó equipo e foi un futbolista fundamental na segunda volta tanto no centro da defensa como no lateral. Pola súa banda, Lucas Fernández foi un dos xogadores con máis minutos ó acumular 35 partidos, todos eles como titular. Deste feito, superou ós 3.000 coa camisola do Choco o último curso.
O porteiro Adrián Aguiar dá o salto o primeiro equipo
Por outra banda, Marcos Montes optou por subir ó porteiro Adrián Aguiar ó primeiro equipo na próxima tempada tras a marcha de Adrián Malvido. Aguiar foi titular esta tempada do equipo xuvenil e pasa directamente ó Choco sénior.
Partirá na pretempada como suplente de Cortegoso e, na medida do posible, xogará partidos co filial do Choco para ter minutos.
