Estela Carrera e Ana Temprano baixo paus convertéronse nas protagonistas dos primeiros minutos. Por culpa, principalmente, das súas intervencións, case cinco minutos custou abrir o marcador, a través dun contraataque de Ana Isabel Martínez aproveitando a superioridade numérica tras a exclusión de Naiara Egozkue (0-1, min. 5). A conexión con Haridian Rodríguez permitiu ao Guardés anotar o seu primeiro gol, pero o marcador quedaría cravado durante varios minutos no 1-2 (min. 12). As defensas impoñíanse aos ataques.
Bera Bera non acusou a súa primeira exclusión do duelo, para Alba Menéndez, e mantivo a súa vantaxe mínima superado o ecuador do primeiro acto grazas ao acerto de Alicia Fernández (3-4, min. 17). Recuperada a igualdade numérica en pista, Estela Carrera volveu facerse grande baixo paus, minando ataque tras ataque a moral das lanzadoras donostiarras. Pero as galegas non conseguían referendar en ataque o bo traballo atrás e, aínda que recuperaban o control do electrónico, facíano con vantaxe mínima (5-4 min,. 23).
Finalmente, o bo facer desde 6 metros de Haridian Rodríguez, primeiro, e Kurchankova, despois, terminaron de disparar ao Mecalia Atl. Guardés, provocando o tempo morto rival (7:4 min. 25). Tras o tempo morto, Bera Bera moveu o balón con frescura e puido finalizar polos seus extremos para deixar a desvantaxe en dúas tantos ao descanso (8-6).
Tras o paso por vestiarios, Bera Bera encomendouse ao acerto de Eli Pinedo para devolver a igualdade ao marcador (9-9, min.36). A exclusión de Judith Sans non frearía o bo comezo donostiarra e coa defensa a pleno rendemento, Ana Isabel Martínez materializou o contraataque que permitía a Bera Bera recuperar o dominio a base de velocidade e provocar o tempo morto de Manu Etayo (10-11, min. 41).
A arenga de Etayo non serviu para que as súas mozas atopasen o oco no férreo 6:0 rival, moi asentado con Ana Isabel Martínez e Judith Sans no centro, e a desvantaxe das galegas disparouse ata os tres tantos (11-14, min. 47). E aí quedou estabilizada a diferenza, elevada a catro desde o exterior a través de Tania Yáñez (12:16, min. 50).
De aí ao final, Mecalia Atl. Guardés foi incapaz de facer dano a un Bera Bera que xa estaba completamente lanzado e que non ía desperdiciar a súa vantaxe para selar o pase á gran final pola porta grande (13:19, final).
Mecalia Atlético Guardés (8+5): Cristina Maestro, Marta Pombal, Lidalva Nizinga, Florinda Manuela, Naiara Egozkue (2), Estela Doiro (1), Paula García (1), Ana Isabel Tornero, Sheila Josefa, Inés Hernández (1), Maura Fernández, Alesia Kurchankova (1), Haridian Rodríguez (5), Estela Carrera, Anna Manaut (1), Nuria Benzal (1).
Bera Bera (6+13): Maialen Husillos, Esther Arrojería, Judith Sans (1), Tania Yáñez (2), Uxue Ezkurdia, Alba Menéndez, Maialen Mugika, Ana Temprano, Maitane Etxeberria (3), Maite Zugarrondo, Eli Pinedo (6), Eider Lizarbe, Alicia Fernández (3), Ana Isabel Martínez (4), Beatriz Fernández, Silvia Ederra.
Parciales: 0:1, 1:2, 2:3, 5:4, 7:4, 8:6 (descanso). 9:9, 10:10, 11:13, 12:15, 12:18 e 13:19 (final).
