19012020Dom
Última edición: Sáb, 18 Ene 2020 9pm

Vitrasa conclúe que non houbo discriminación no caso de racismo denunciado

A concesionaria do transporte urbano en Vigo determinou que a usuaria non accedeu ao autobús por decisión propia tras revisar as imaxes da cámara instalada a bordo e falar co condutor, que se atopa “moi afectado”

09 Enero 2020 por
Valora este artículo
(4 votos)
Pasajeros subindo a un Vitrasa. / Foto: Arquivo Pasajeros subindo a un Vitrasa. / Foto: Arquivo

Non houbo discriminación por racismo no caso denunciado nos últimos días nas redes sociais, no que se daba a coñecer un posible trato diferencial por parte dun condutor de Vitrasa que teoricamente non permitira á entrada ao autocar a unha muller negra con carro de bebé -por estar o interior ateigado de xente- e pouco despois si a unha muller branca nas mesmas circunstancias.

Así o conclúe a empresa concesionaria de transporte público de Vigo, que xa anunciara unha investigación dos feitos. A compañía quixo contrastar a denuncia difundida a tarde do pasado 4 de xaneiro na liña C1 e determina que “non se aprecia a existencia de trato discriminatorio”.

“Tras abrir o oportuno expediente de investigación interno no que se visionaron as imaxes da cámara instalada a bordo do autobús durante o día dos feitos, e falar persoalmente co condutor, se confirma que a usuaria non accedeu de forma voluntaria ao interior por motivos de aforo, ademais de estar ocupada a situado para carros de bebé. A usuaria, despois de compartir co condutor a súa impresión da alta ocupación do autobús, comunícalle a este que preferían subir a outro autobús que estaba chegando á parada xusto nese momento”, explica Vitrasa.

Ademais, a empresa precisa que, dúas paradas despois, a segunda muller sobe ao autobús con carro de bebé de xeito voluntario a pesar da alta ocupación e “despois de que en ditas paradas subiran e descenderan numerosos viaxeiros”.

O condutor, con moitos anos de experiencia, está “moi afectado polas informacións que están a circular” e, segundo recolle a concesionaria nun comunicado, o traballador “asegura que nunha cidade como Vigo a convivencia e a diversidade están máis que presentes no bo desenvolvemento da súa actividade”.

A compañía reiterou este xoves que está “totalmente en contra” de calquera tipo de discriminación e mostrouse “especialmente sensible a estes temas, algo que traslada á toda a súa estrutura organizativa”.

Tal día como hoy

1853

Ene


Preguntas sueltas a un candidato

"Circula por Vigo una hora en 4.º firmada por ...

Leer más »


vigo

sucesos

  • Una tromba de agua inunda el centro de Vigo
    Una tromba de agua inunda el centro de Vigo La alerta amarilla anunciada para este jueves por lluvias persistentes y naranja por fuertes vientos está respondiendo a las expectativas en Vigo. Las precipitaciones están siendo constantes a lo largo del día y, unidas a las intensas ráfagas que están…
    Leer más...

medio ambiente

  • Últimas noticias

  • Más leído