06122019Vie
Última edición: Jue, 05 Dic 2019 8pm

Atopados en bo estado dous homes que sufriran un accidente en balsa no Verdugo

Precipitáronse por unha catarata e a embarcación na que viaxaban rompeuse a causa do impacto

23 Julio 2019 por
Valora este artículo
(0 votos)
Os homes sufriron un accidente coa balsa inchable no río Verdugo. Foto: arquivo Os homes sufriron un accidente coa balsa inchable no río Verdugo. Foto: arquivo

Dous homes que realizaban un percorrido a bordo dunha balsa inchable polo río Verdugo, no concello pontevedrés da Lama, foron encontrados polos servizos de emerxencia tras sufrir un accidente coa embarcación.

Segundo a información facilitada ao 112 Galicia, pese a que ambos coñecían ben a ruta, precipitáronse por unha catarata e a lancha na que viaxaban rompeuse a causa do impacto. Impedidos de continuar o seu camiño a través da auga, tiveron que seguir a pé polo monte ata chegar á estrada, onde finalmente puideron pedir axuda a un viandante.

Finalmente, malia algunhas feridas superficiais, os afectados atopábanse en bo estado de saúde e rexeitaron asistencia médica.

Os xestores do Centro integrado de Atención ás Emerxencias tiveron constancia dos feitos a través da chamada dunha persoa particular ás 21:30 horas da noite do luns. O alertante informaba que os seus amigos saíron nunha balsa inchable e non retornaron ao punto de encontro na hora establecida.

De inmediato, desde o 112 Galicia, solicitouse a intervención dos axentes da Garda Civil e tamén da agrupación de Protección Civil de Oitavén-Tea para participar na busca. Ademais, pasouse aviso aos Bombeiros de Ribadumia, ao 061-Urxencias Sanitarias e tamén ás AVPC de Redondela e Cercedo-Cotobade por se fose necesaria a súa colaboración.

Inicia sesión para enviar comentarios

medio ambiente

navidad

vigo

ocio

  • Últimas noticias

  • Más leído