Entres os días 22 e 23 celébranse eleccións a deputados, supoñemos que xa sen a intervención do rapaz intrigante de hai once anos. Sae reelixido polo distrito de Vigo D. José Elduayen y Gorriti, representante de Vigo, de xeito consecutivo desde 1857 e a quen a cidade lle debe obras tan importantes como a do peirao, estrada a Baiona, derribo das murallas, ferrocarril a Ourense, rúa da Travesía, etc.
23 de novembro de 1864. Xosé María Álvarez Blázquez. «A Cidade e os Días. Calendario Histórico de Vigo» (Xerais, 2008)
