A concelleira de Patrimonio, Carmela Silva, indicou este mércores durante unha visita ao último petroglifo recuperado, o de A Laxe, que o seu departamento comezará a actuación para destacar estas xoias ubicadas no municipio.
Abel Caballero e Carmela Silva visitaron este mércores o petroglifo da Pedra da Laxe, en San Pedro de Sárdoma, onde o goberno de Vigo vén de instalar paneis informativos, tras ter executado distintas accións de recuperación e protección no xacemento. O alcalde avogou pola «reactivación» do patrimonio arqueolóxico vigués, un ámbito cunha «gran capacidade de desenvolvemento».
O alcalde explicou que os paneis informativos instalados consisten nun monolito de presentación do xacemento e unha mesa con información sobre as características do petroglifo, parte «importante» do patrimonio arqueolóxico vigués.
Precisamente sobre o patrimonio cultural e arqueolóxico da cidade, Abel Caballero manifestou que Vigo ten unha «gran capacidade de desenvolvemento» neste ámbito, que presenta derivadas tamén turísticas, e a actuación no petroglifo da Laxe, en Sárdoma, forma parte do comezo da «reactivación» deste patrimonio vigués. O rexedor tamén tranquilizou aos veciños de Matamá que hai uns días alertaban do risco que corrían os petroglifos ubicados na parroquia.
