Segundo informou o Servizo Galego de Saúde ata actualidade os pacientes atendidos polos equipos dos helicópteros medicalizados do 061 que eran trasladados ao hospital de Vigo aterraban no aeroporto de Peinador, onde un equipo dunha ambulancia medicalidazada do 061 os trasladaba ao centro hospitalario.
O novo heliporto permite acurtar os tempos chegada e asistencia no hospital, tan importantes en pacientes críticos que son os trasladados, na maioría dos casos, neste recurso sanitario da rede de transporte sanitario urxente do 061, apunta o Sergas nun comunicado.
Por outra banda, a posibilidade ingresar ao paciente directamente no hospital permitirá aos médicos da Central de Coordinación do 061 aumentar a mobilización do helicóptero para pacientes que ata agora se trasladaban directamente en ambulancia.
Heliporto elevado
O heliporto do Novo Hospital de Vigo dispón dunha plataforma cunha área en planta de 28,5 x 28,5 metros, construída mediante lousa e piares de formigón armado, situada varios metros por enriba das cubertas, xa que a súa rasante se atopa na cota máis alta de todo o edificio.
O Sergas destaca a rápida accesibilidade dos pacientes as áreas de urxencias e cirúrxica do hospital grazas ao deseño de dous vías de acceso ao heliporto, unha mediante rampa, para o acceso das padiolas e outros elementos, e outro mediante unha escada de dous tramos. Estas parten desde un nivel inferior a onde chegan dous ascensores monta camas e unha escada interior do edificio.
Nesta superficie, que dispón dunha rede perimetral de seguridade realizada en estructura metálica, inclue todas as instalacións e axudas visuais asociadas á navegación aérea. También dispón de dúas plataformas situadas nos lados opostos do perímetro onde emprázanse os medios necesarios para extinción de incendios.
