A pesar da pandemia, os Reis Magos non quixeron deixar de pasar este ano a visitar aos nenos e ás nenas que se atopan no hospital Álvaro Cunqueiro. Iso si, con todas as garantías e cumprindo a normativa de prevención da Covid-19.
Por ese motivo, só puido achegarse ao centro sanitario o rei Melchor, en representación das outras dúas maxestades. Acompañado por un paxe, percorreu o corredor da planta de Pediatría e entregou, mantendo sempre a distancia, agasallos aos pequenos hospitalizados, que esperaban con ilusión a súa presenza.
