19012020Dom
Última edición: Sáb, 18 Ene 2020 9pm

Érguete alerta de ansiedade en nenos de 8 anos en Vigo por adicción a xogos como Fornite

“Cada vez vemos máis adicción nas nenas e nenos coas que traballamos”, explica a técnica de prevención da asociación, Marta Lloves

13 Diciembre 2019 por
Valora este artículo
(1 Voto)
O equipo técnico da Asociación traballou con máis de 300 rapaces e rapazas en escolas e clubs deportivos, e tamén con 200 familias para abordar a prevención dende os distintos campos. O equipo técnico da Asociación traballou con máis de 300 rapaces e rapazas en escolas e clubs deportivos, e tamén con 200 familias para abordar a prevención dende os distintos campos.

A adicción aos videoxogos é un problema que “cada vez vemos máis nas nenas e nenos coas que traballamos”, explica a técnica de prevención da Asociación Érguete, Marta Lloves, no marco da clausura do programa Coñece-Decide organizado en colaboración coa Deputación de Pontevedra, e que consiste en accións de prevención en centros educativos da área metropolitana de Vigo con menores, con pais e nais, e con equipos de fútbol para tratar de precaver condutas aditivas.

Durante o traballo de campo deste 2019 con máis de 300 rapaces e rapazas en escolas e clubs deportivos, e con 200 familias, o equipo técnico de Érguete constatou unha serie de comportamentos que inciden na importancia de traballar na prevención. Un deles e quizás o máis moderno e a adicción aos videoxogos que afecta a nenos e a nenas polo que “estase baixando a idade de inicio dos comportamentos adictivos”, explica Lloves. A expansión das novas tecnoloxías e o auxe de videoxogos como o Fortnite fai que “xa esteamos vendo nenos de oito anos con problemas de ansiedade que presentan persoas maiores con adiccións a substancias”, avisa a técnica de Érguete.

O problema é novo e aínda fai falta máis traballo de campo para constatar en cifras as porcentaxes de menores que presentan adiccións aos videoxogos, pero segundo Lloves o foco ten que estar tamén “nos pais e nais porque son eles os que lle meten nos xogos, os que lle crean a conta ou os que presentan comportamentos adictivos coa tecnoloxía”, explica. Unha das dinámicas de traballo do programa Coñece-Decide e a de falar con nenos e nenas e as súas familias por separado. E este ano pasou “algo curioso”, di Lloves. “É a primeira vez que fillos e pais presentas as mesmas queixas”, destaca. Os máis pequenos e pequenas quéixanse que o seu pai e a súa nai están moito co móbil mentres que eles, en cambio, din que o seu fillo pasa moito tempo pegado o teléfono. “Isto indica que hai que traballar e concienciar na importancia do exemplo de transmitir comportamentos positivos se queremos evitar estas adiccións”, explica Marta Lloves.

Apostas deportivas
Outro dos comportamentos que o equipo da Asociación Érguete constatou este ano foi que entre os rapaces e rapazas que practican algún deporte a estadística mostra que son máis “proclives a presentar adiccións ás apostas deportivas”. Así como o deporte funciona como muro de contención fronte o consumo de substancias, parece que fai o contrario nas apostas. Polo que dende a Asociación tratarán de enfocar as actividades con clubs deportivos para tratar directamente este problema.

Reforzo da personalidade
Outro dos elementos indispensables para traballar na prevención cos máis pequenos e pequenas e a de tratar de reforzar a súa personalidade, no sentido de tratar de reducir as altas cifras de consumo de drogas por presión de grupo que presentan as últimas estadísticas. Este é outro dos puntos que o Coñece-Decide aborda abertamente nos seus talleres.

vigo

sucesos

  • Una tromba de agua inunda el centro de Vigo
    Una tromba de agua inunda el centro de Vigo La alerta amarilla anunciada para este jueves por lluvias persistentes y naranja por fuertes vientos está respondiendo a las expectativas en Vigo. Las precipitaciones están siendo constantes a lo largo del día y, unidas a las intensas ráfagas que están…
    Leer más...

medio ambiente

  • Últimas noticias

  • Más leído