11122019Mié
Última edición: Mié, 11 Dic 2019 9pm

A andaina sostible da Deputación reúne a centos de persoas en Vigo

Os participantes percorreron o centro da cidade e o Casco Vello nunha ruta guiada organizada co gallo do Día Mundial das Cidades

13 Noviembre 2019 por
Valora este artículo
(1 Voto)

Centos de persoas, entre as que figuraron estudantes de varios centros educativos da cidade, así como usuarios e usuarias de colectivos sociais, participaron este mércores na andaina organizada pola Deputación de Pontevedra en Vigo para conmemorar o Día Mundial das Cidades, baixo o lema “Mellor cidade, mellor vida. Solucións innovadoras e unha mellor vida para as futuras xeracións”.

Con esta iniciativa o Goberno provincial de Carmela Silva sumouse a esta celebración que a ONU realiza desde 2014, que se enmarca, amais, nos eixos relacionados co desenvolvemento sustentable e a aposta pola transición ecolóxica.

Así, o deputado Carlos Font destacou na súa benvida ás e os participantes que a xornada tenta “promover a urbanización sostible e inclusiva en todo o mundo”. Font, que estivo acompañado polo deputado Gorka Gómez e a deputada Ana Laura Iglesias, lembrou que máis da metade da poboación mundial vive nas cidades e se espera que para 2050 a porcentaxe chegue ao 68% e amosou a súa satisfacción pola implicación das mozas e mozos participantes nesta iniciativa de sensibilización para acadar un futuro máis sostible. Este ano, a celebración deste Día Mundial das Cidades está dirixida a aumentar tamén a conciencia sobre como se poden utilizar as innovacións dixitais para mellorar a calidade de vida e a contorna urbana.

Na camiñada, que foi respectada pola chuvia, participaron estudantes dos centros Possumus, Altamar e Pintor Laxeiro, así como usuarias e usuarios da asociación Down Vigo, que fixeron un percorrido circular guiado polos lugares máis representativos da cidade viguesa como o centro ou o Casco Vello, para coñecer a súa historia e a evolución. A andaina realizouse de forma simultánea á organizada na cidade de Pontevedra, na que participaron un cento de persoas, e que contou coa presenza das deputadas provinciais Iria Lamas e Noemí Outeda.

Inicia sesión para enviar comentarios

medio ambiente

televisión

  • Últimas noticias

  • Más leído