22082018Mié
Última edición: Mar, 21 Ago 2018 7pm

Vigo xa deseña a nova senda verde entre Teis e Urzáiz polas vellas vías do tren

O corredor será peonil e de transporte "brando" tipo bicicletas, sen desbotar algunhas zonas máis amplas de esparcemento ou pequenas instalacións deportivas

15 Enero 2018 por
Valora este artículo
(0 votos)
Proxecto de EquoPiratas para a Senda Verde. / Foto: EquoPiratas Proxecto de EquoPiratas para a Senda Verde. / Foto: EquoPiratas

O alcalde amosouse este luns satisfeito pola decisión de ADIF de desafectar os terreos, paso previo á sinatura dun convenio que permitirá ao Concello habilitar unha senda verde na antiga vía do tren desde Teis ata Urzáiz. Caballero adiantou que o goberno que preside xa traballa no deseño para os catro quilómetros.

O alcalde revelou este luns unha conversa mantida co presidente de ADIF, Juan Bravo, para a cesión da antiga vía do tren, os catro quilómetros que van desde a entrada a Vigo en Teis ata Urzáiz. Segundo explicou, o último Consello de Administración da entidade -celebrado en decembro- aprobou a desafección dos terreos, o primeiro paso para a futura senda verde viguesa.

Engadiu Caballero que neste momento se está procedendo ao levantamento dos carrís ferroviarios e que ADIF está a preparar o borrador do convenio a rubricar co Concello para a cesión dos terreos. O Administrador prevé levar o texto ao Consello de Administración que se celebrará o 22 ou 23 de xaneiro.

O alcalde de Vigo quixo trasladar o seu recoñecemento a ADIF e ao seu presidente. Caballero definiu de "fantástica" a relación do Concello co Administración de Infraestruturas Ferroviarias para a construción da estación de Thom Mayne en Urzáiz e, no tocante á vía verde, está "encantado" porque leva un camiño "espléndido". Apuntou Caballero que remitirá unha carta ao ministro de Fomento recoñeciendo "dilixencia" na cesión.

"Poñémonos mans a obra, de forma inmediata", afirmou Caballero sobre o deseño da futura vía verde de catro quilómetros. Esta mesma mañá o alcalde e o segundo tenente de alcalde e concelleiro de Fomento, David Regades, mantiveron unha reunión sobre este asunto. Caballero avanzou que o corredor verde será peonil e de transporte "brando" tipo bicicletas, sen desbotar algunhas zonas máis amplas de esparcemento ou pequenas instalacións deportivas.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

camino de Santiago

sucesos

deportes

  • Últimas noticias

  • Más leído