19112017Dom
Última edición: Sáb, 18 Nov 2017 9pm

verán xove 2017

Abre a inscrición para as 25.256 prazas dos campamentos de verán en Vigo

Este ano súmase a praia de Alcabre e o pavillón de Lavadores aos espazos nos que tradicionalmente xa se organizan estas actividades

19 Mayo 2017 por
Valora este artículo
(1 Voto)
Verán Xove. / Foto: xuventudevigo.org Verán Xove. / Foto: xuventudevigo.org

Os campamentos de verán organizados desde o Concello aumentaron nun 14% respecto do ano pasado, alcanzando neste 2017 a cifra de 25.256 prazas. Este ano súmase a praia de Alcabre e o pavillón de Lavadores aos espazos nos que tradicionalmente xa se organizan estas actividades.

O Concello ofertará este ano 25.256 prazas de campamentos urbanos, 3.100 máis que o ano pasado, o que supón a cifra máis alta de actividades que nunca se organizaron na cidade. Son case 4.000 prazas en campamentos urbanos e actividades deportivas e máis de 21.000 de actividades de ocio infantil e xuvenil. Este programa, organizado desde as concellerías de Xuventude, Deportes e Política Social, ofrece propostas para todas as idades, a partir dos 4 anos. O orzamento do programa supera os 250.000 euros , e o Concello subvenciona case o 70% de cada actividade.

Tal e como explicou o rexedor, este ano incorporarase a praia de Alcabre e o Pavillón de Lavadores como novos espazos, aos que se suman outros xa tradicionais como Vigozoo, os arenais da ETEA e Samil, os pavillóns da ETEA, Navia, Bouzas, Coia, Travesas, o complexo deportivo de Samil, Vigosónico, Liceo Marítimo de Bouzas e, finalmente, a Casa da Xuventude.

Os obxectivos son, segundo detallou Caballero, ofertar un tempo de ocio educativo dentro da cidade; favorecer o emprego e a participación xuvenil; facilitar a conciliación da vida familiar, persoal e laboral; potenciar a inmersión lingüística en inglés; educar no respecto ao medio ambiente; achegar a cultura marítima á mocidade, así como as actividades deportivas e de ocio que ofrece a nosa Ría.

O único requisito é estar empadroado en Vigo e a presentación de solicitudes abrirá as 12 da noite deste venres e estará operativa ata o 31 de maio en verán.xuventudedevigo.org. O proceso será telemático, como o ano pasado, e no caso de de non ter acceso a Internet ou precisar de axuda, hai persoal de apoio e ordenadores dispoñibles na Casa da Xuventude.

1495198966campamentos

Unha vez pechado o prazo, a adxudicación será por sorteo e o 2 de xuño publicarase o listado definitivo de solicitudes e ese mesmo día, ás 12,00 horas, se realizará o sorteo, que será público. O día 3 coñecerase o primeiro listado de adxudicatarios e o primeiro listado provisional de vacantes.

Entre o 3 e o 7 de xuño se formalizarán as inscricións e o 10 de xuño se publicará un listado definitivo de vacantes (12,00h). A partir dese momento e ata as 14,00 do día 12, se poderá solicitar algunha desas prazas, tamén de forma telemática. Se e a partir dese momento houbera aínda vacantes, abrirase un terceiro prazo de inscrición a partir do 17 de xuño que xa será con adxudicación directa na Casa da Xuventude.

Escribir un comentario


Código de seguridad
Refescar

incendios forestales

visita "real"

recogida alimentos 2017

carta: incendios forestales

incendios forestales

  • Objetivo, más y mejor empleo
    Objetivo, más y mejor empleo Uno de los principales retos que afronta Galicia en esta segunda parte de década pasa por consolidar la recuperación del mercado laboral. Y para conseguir este objetivo, el Fondo Social Europeo se configura como una herramienta clave para mejorar la…
    Leer más...
  • Últimas noticias

  • Más leído