24102017Mar
Última edición: Mar, 24 Oct 2017 12pm

educación

As familias alertan ante o desvío de alumnos de Navia a Valadares

“As aulas están repletas de alumnado por unha decisión repentina, arbitraria, irregular e pouco razoable. É vergoñento ver como as administracións públicas atacan ao ensino público”, explica Foanpas

04 Julio 2016 por
Valora este artículo
(2 votos)
A voceira de Foampas falou este luns ante os concelleiros na sesión ordinaria de xullo. / Foto: VIGOÉ A voceira de Foampas falou este luns ante os concelleiros na sesión ordinaria de xullo. / Foto: VIGOÉ

“Hai nenos desprazados a un centro que está a dez quilómetros das súas casas por un traballo mal feito que ninguén corrixe”. A voz dos pais e nais de alumnos de Vigo chegou este luns ao pleno do Concello para instar a administración autonómica a resolver un problema que “indigna” ás familias viguesas.

Regina Ibáñez, voceira da Federación Olívica de Anpas (Foampas), relatou na sesión plenaria do mes de xullo o problema que sofren familias das zonas de Navia e Coia ao ser enviados os seus fillos a un colexio de Valadares. “Están as aulas repletas de alumnado, era evidente que isto ía acontecer”, sinalou.

O peche de varias aulas no colexio Álvaro Cunqueiro e o desvío de alumnos ao Alexandre Bóveda provocou, segundo explica Foampas, un centro masificado e unhas familias coa obriga de mandar aos seus fillos a dez quilómetros das súas casas. “Foi unha decisión repentina, arbitraria, irregular e pouco razoable, tomada sen consultar o consello escolar municipal nin aos directores”, explicou Regina.

Por esta razón, a federación solicitou ao pleno que o Concello medie ante a Consellería de Educación para modificar a adscrición dos alumnos, xa que consideran que é a única solución posible para que “non se antepoñan os intereses das empresas de transporte e de ensino concertado”.

No debate posterior, o voceiro da Marea de Vigo, Rubén Pérez, manifestou a “preocupación” dos veciños de Navia ante a inmediata incorporación de 3.000 mozos ao sistema educativo. “Hai un run run que apunta a que habilitarán barracóns na zona de Coia”, indicou.

Pola súa banda, a concelleira do PP Teresa Egerique sinalou que a Consellería de Eduación “está a traballar para organizar as zonas” e matizou que “non é un asunto sinxelo por factores de transporte ou de comedor, entre outros”. Además, Egerique asegurou que “non hai barracóns ni colexios que explotan, en Vigo hai oferta educativa e os nenos están ben atendidos”.

Olga Alonso, concelleira de Eduación, recordou que o problema naceu xa hai tres anos cando a dirección provincial da Xunta “decidiu trasladar ao alumnado cunha proposta que non levou ao consello municipal” e alertou da situación. “Este despropósito corresponde a unha etapa de educación obrigatoria, é moi grave”, engadiu. O alcalde, Abel Caballero, comprometeuse ante a voceira de Foampas a mediar coa Consellería de Educación.

Antonino García

Licenciado en Ciencias de la Información. Atlántico Diario, Xornal de Galicia, El Mundo y Faro de Vigo. Ahora, en vigoe.es

Twitter - Antonino García

Escribir un comentario


Código de seguridad
Refescar

incendios forestales

entrevista: greenpeace

vigo

  • Últimas noticias

  • Más leído