Abel Caballero exisiu este luns a máxima seguridade no transporte ferroviario na área de Vigo, logo do grave accidente do pasado venres en O Porriño no que faleceron 4 persoas. Así o reclamou logo de manter unha reunión con representantes de sindicatos ferroviarios da comarca de Vigo e de realizar unha visita aos bombeiros que participaron no rescate do sinistro, aos que felicitou pola súa labor nos traballos de excarcelación e apuntalamento do tren.
Caballero insistiu en que a seguridade é un elemento «imprescindible, prioritario e insustiuble» no transporte ferroviario, «todo se ten que supeditar á seguiridade dos viaxeiros e dos traballadores». Respecto do accidente, confirmou que hai que esperar polos informes da comisión de investigación e do xulgado de cara a adoptar medidas que eviten este tipo de sinistros no futuro pero insistiu en que hai que tomar medidas de xeito inmediato. Asegurou que a medio prazo é priotario reformar as infraestructuras de grande parte dos trazados da comarca, contar coa saída sur a Portugal ou contar con alta velocidade.
Caballero falou no nome de toda a cidade e de todos os alcaldes e alcaldesas da área para «alzar a voz demandando máis seguridade para traballadores e usuarios». En declaracións aos medios, traladou as súas concolencias e as de toda a cidade ás familias das vítimas, lembrando que acudiu con ese fin aos funerais dos falecidos de Vigo.
