25082019Dom
Última edición: Dom, 25 Ago 2019 10am

A patronal das ambulancias rompe as negociacións do convenio polas discrepancias nos atrasos salariais

O empresariado, segundo a CIG, pretendía aplicar a primeira suba salarial en novembro de 2019, polo que os soldos non se actualizarían en case catro anos

09 Marzo 2019 por
Valora este artículo
(0 votos)
Ambulancias./ Foto: CIG Ambulancias./ Foto: CIG

A patronal das ambulancias decidiu romper onte as negociacións do convenio colectivo ante as discrepancias existentes á hora de establecer unha suba salarial que compense os atrasos salariais tras case catro anos sen convenio. Ao mesmo tempo, dende as centrais CIG, CCOO e UGT denuncian que na Coruña estanse a trasladar pacientes críticos sen persoal de acompañamento.

Todo facía indicar que na xuntanza de onte as partes ían achegar posturas, pero a sorpresa chegou cando o empresariado decidiu levantarse da mesa sen facer ningunha contraoferta á proposta dos sindicatos de incrementar máis os salarios nos dous últimos anos de vixencia do convenio (2021 e 2022) para compensar a non actualización dos salarios durante case catro anos.

A patronal pretendía aplicar a primeira subida de soldos, dun 4%, en novembro de 2019, mentres que para 2020 este incremento sería dun 3%. Nos dous últimos anos de vixencia do convenio que se está a negociar a suba sería do 1%. Deste xeito, os traballadores/as do sector permanecerían cos soldos sen actualizar durante practicamente catro anos (2016, 2017, 2018 e case todo 2019), de aí a proposta de aumentar o incremento dos dous últimos anos.

Nun primeiro momento a parte empresarial dixo que ía estudar a posibilidade de atender esta demanda, “pero a continuación dixeron que non aceptaban, que non presentarían contraoferta e que abandonaban as negociacións”, explica o responsábel de Transportes da CIG, Xesús Pastoriza.

Polo tanto, a folga convocada no sector pola CIG, CCOO e UGT continuará até este domingo, pasando a ser indefinida a partir do vindeiro día 20 no caso de que antes non se chegue a un acordo que permita desbloquear o conflito.

Por outra parte, as tres centrais denuncian que na Coruña estanse a trasladar pacientes críticos en ambulancia sen persoal de acompañamento, “algo que pon en grave risco a vida das persoas, aínda que parece ser que os traslados contan coa autorización médica correspondente”.

Inicia sesión para enviar comentarios

Tal día como hoy

1890

Ago


Lectura del testamento de Policarpo Sanz

"Se celebra sesión pública extraordinaria en ...

Leer más »


sucesos

transporte

celta

sucesos

patrimonio de la humanidad

  • Últimas noticias

  • Más leído