23072019Mar
Última edición: Mar, 23 Jul 2019 10pm

A folga polos despidos en Vodafone mantén pechadas as tendas de Vigo

A FGAMT-CIG amosa o seu rexeitamento ao ERE extintivo para 32 empregados da cidade

13 Febrero 2019 por
Valora este artículo
(0 votos)
Concentración en Urzaiz, este mércores. / Foto: CIG Concentración en Urzaiz, este mércores. / Foto: CIG

As xornadas de folga de 24 horas que os comités de Vodafone están a convocar a escala estatal contra os despidos mantiveron este mércores pechadas as tendas de Vigo, tal e como sucedeu o pasado luns. Dende a FGAMT-CIG amosan o seu rexeitamento ao ERE extintivo para 1.125 empregados no conxunto do Estado, 32 deles en Vigo.

O persoal vigués de Vodafone aproveitou a nova xornada de folga para desenvolver protestas, que tiveron lugar no farol de Urzaiz cunha concentración. As tendas permaneceron pechadas como consecuencia dun paro que volveu a ter un “amplo seguimento entre o cadro de persoal, o que tamén está a afectar a actividade da compañía”, segundo indica a CIG.

As mobilizacións continuarán este sábado día 16, cando empregados de Vodafone de todo o Estado acudirán a Madrid para desenvolver unha marcha entre as tendas da rúa Fincárela e da Porta do Sol. O obxectivo é lograr que a dirección da compañía desista de aplicar un ERE que afectaría o 22% do cadro de persoal.

Rexeitamento do ERE
Dende a FGAMT-CIG amosaron o seu total rexeitamento ao ERE extintivo, medida que consideran totalmente inxustificada nunha empresa que ten beneficios a pesar de que a dirección argumenta que é necesario para facerlle fronte á caída de ingresos derivada do aumento das ofertas de baixo custe.

Na central entenden que a situación da compañía non é responsabilidade dos traballadores, polo que non poden ser eles os que padezan as consecuencias do plan de aforro de custes anunciado polo conselleiro delegado de Vodafone a comezos do pasado mes de xaneiro.

Lembran que o que agora se está a negociar é xa o terceiro ERE que a compañía presenta dende 2013, e que xa en 2012 presentara un ERTE. Como consecuencia destas medidas perderon o seu emprego un total de 1810 persoas no conxunto do Estado, das que 70 traballaban en Galicia. Neste tempo o cadro de persoal aceptou tamén reducir a xornada, as pagas variables e os incentivos.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

vigo en festas 2019

Tal día como hoy

1890

Jul


Primera piedra para la estatua de Méndez Núñez

"Es colocada en la flamante Alameda -cuyos terr...

Leer más »


vigo

  • Últimas noticias

  • Más leído