18082019Dom
Última edición: Jue, 15 Ago 2019 7pm

O persoal de Vodafone rebélase contra o despido de 41 compañeiros

Ademais de iniciar paros, concentraranse este venres no Concello de Vigo para alertar de que a medida tamén afectará aos empregados de Bosch que están vinculados a proxectos da compañía telefónica

31 Enero 2019 por
Valora este artículo
(0 votos)
Protesta polo ERE previsto. / Foto: CIG Protesta polo ERE previsto. / Foto: CIG

Os traballadores galegos de Vodafone iniciaron unha campaña de mobilizacións para rexeitar o ERE extintivo que suporá o despedimento de 41 dos 181 empregados que a compañía de telecomunicacións ten no noso país. O martes comezaron cos paros dunha hora convocados a escala estatal, que continuaron este xoves cun amplo seguimento.

Para este venres teñen convocada unha xornada de folga de 24 horas só en Galicia, que aproveitarán para mobilizarse diante do Concello de Vigo de 11:00 a 13:30 horas para alertar de que a medida non só terá afectados directos, “senón tamén indirectos como poder ser os empregados de Bosch que están vinculados a proxectos con Vodafone”.

O cadro de persoal de Vodafone decidiu plantarlle cara á decisión da empresa de aplicar un ERE extintivo que afectará a 1.200 dos 5.209 traballadores que ten no conxunto do Estado. No caso galego, a medida suporá o despedimento de 32 empregados nos dous centros de traballo que a compañía ten en Vigo e de nove nos dous que ten na Coruña.

Os paros dunha hora que se iniciaron o martes e que continuaron hoxe tiveron un elevado seguimento entre o cadro de persoal, tanto no noso país -onde foron secundados polo 75% dos traballadores- como no resto do Estado, onde pararon 1.900 empregados.

Ademais, segundo explican os delegados da CIG no comité de Vodafone, este mércores rexistrouse a convocatoria de paros de 24 horas tamén a nivel estatal entre os días 11 e 22 de febreiro, data na que rematarán as negociación do ERE.

No caso de Galicia estes paros foron solicitados todos os días laborábeis dende o 1 ao 22 de febreiro, sendo este venres 1 de febreiro a primeira das xornadas nas que se van facer efectivos, tanto en Vigo como na Coruña.

Inicia sesión para enviar comentarios

Encuesta

¿Cuál ha sido el concierto de Castrelos que más te ha gustado?

Tal día como hoy

1881

Ago


Visita del Rey Alfonso XII y doña María Cristina

"Se espera para mañana la llegada de los Reyes...

Leer más »


rutas

el vigo de otra época

  • El Tranvía a Baiona y Gondomar
    El Tranvía a Baiona y Gondomar En los años 20 del siglo pasado Vigo ya disponía de un magnífico servicio de cercanías gracias al ferrocarril de vía estrecha que nos acercaba a O Porriño por un lado y a Gondomar y Baiona por otro. Desgraciadamente por…
    Leer más...

el vigo de otra época

rutas

  • Últimas noticias

  • Más leído