18012019Vie
Última edición: Jue, 17 Ene 2019 8pm

"Paro total" e protagonismo feminino no primeiro día da folga no sector dos elaborados do mar

Desde primeiras horas da madrugada deste luns, paralizouse por completo a industria galega dos conxelados. A reivindicación continuará o mércores e o xoves

22 Octubre 2018 por
Valora este artículo
(0 votos)
As folguistas, na madrugada deste luns nas portas de Fandicosta. / Foto: CIG As folguistas, na madrugada deste luns nas portas de Fandicosta. / Foto: CIG

CIG-Mar valora como un "éxito total" a primeira xornada dunha folga protagonizada polas mulleres, maioritarias no sector, que desde primeiras horas da madrugada logaron paralizar por completo a industria galega dos conxelados.

Segundo a federación, "a vontade unánime de loita demostrada este luns debe facer rectificar á patronal, que valorou mal a situación e provocou unha folga que, alén da reivindicación salarial, se centra na inclusión de dereitos básicos no convenio estatal".

"É unha folga histórica porque non se cinxe, tal e como algúns querían, á reclamación salarial, se non que é unha folga por dereitos, principalmente das mulleres". Así afirmou Xabier Aboi, da CIG-Mar, que salientou que o seguimento foi total en industrias da provincia de Pontevedra como Fandicosta, Numarsi, Mascato, Pereira ou Cabomar, cunha "resposta magnífica" por parte do persoal.

Lembran que o convenio estatal, expirado en 2015, é dos máis precarios de todo o ámbito da alimentación, cunha perda importante de poder adquisitivo nestes últimos anos. Neste sentido, reivindican, entre outras demandas, que a finais de 2020 o salario máis baixo poida acadar os 14.000 euros.

Esixen, tamén, limitar o masivo traballo temporal e evitar a implantación de novas fórmulas abusivas como empresas multiservizos ou falsas cooperativas. Alén diso, reivindican pluses de refrixeración, dadas as condicións de frío e humidade no que decorre o traballo.

Non obstante, e nun sector onde as mulleres representan entre o 75% e o 85% do total dos cadros de persoal, cobra maior relevancia a loita por dereitos tan básicos como conciliación, reducións de xornada, licenzas, permisos retribuídos para poder levar as crianzas ao centro de saúde, etc.

"Hoxe, as mulleres plantaron cara a unha patronal e uns gobernos que pretenden que continúen a ser carne de canón e man de obra barata polo grande sacrificio que fan", sostén a federación, á vez que recomenda ao empresariado unha "fonda rectificación" que supoña aceptar as reivindicacións dun sector "que espertou e petou na mesa". Responsabilizan, tamén, á Xunta de Galiciaa, á que acusan de complicidade coa patronal por non se ter implicado nunha problemática "que vén de lonxe".

A folga continuará os vindeiros mércores 24 e xoves 25 de outubro, con expectativa de repetir o éxito da primeira xornada, segundo a CIG-Mar.

A CIG continúa a reivindicar, pola súa banda, a necesidade estratéxica de contar cun convenio galego "que podería traer moitos beneficios" ao persoal dos elaborados do mar. Enfatiza, ademais, o "enorme prexuízo" de negociar en Madrid un convenio estatal que afecta unha actividade cun peso do 75% en Galicia e cuxa patronal maioritaria ten a sede en Vigo.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

Tal día como hoy

1909

Ene


Vigo y la prensa deportiva

"Se publica el primer número del periódico me...

Leer más »


sanidad

televisión

  • Las divertidas confesiones de la viguesa Desirée Vila en ‘La resistencia’
    Las divertidas confesiones de la viguesa Desirée Vila en ‘La resistencia’ Desirée Vila, la deportista viguesa que perdió una pierna a causa de una lesión y una posterior negligencia médica, fue la protagonista del popular programa de televisión ‘La resistencia’, uno de los espacios de moda, que se emite en Movistar+.
    Leer más...

música

decoración

sucesos

  • Últimas noticias

  • Más leído