18072018Mié
Última edición: Mar, 17 Jul 2018 9pm

As Rías Baixas pecharon o verán coa mellor ocupación hoteleira “da última década”

Os establecementos de Vigo presentaron un índice do 87%, por riba da media da provincia de Pontevedra

06 Octubre 2017 por
Valora este artículo
(1 Voto)
Turistas en la estación marítima. / Foto: Archivo Turistas en la estación marítima. / Foto: Archivo

A presidenta da Deputación de Pontevedra, Carmela Silva, presentou este venres o balance dos resultados acadados en setembro e durante o verán en canto a ocupación de hoteis e establecementos rurais das Rías Baixas. Silva amosou a súa satisfacción por uns resultados históricos que sitúan ao verán do 2017 como “espectacular, o mellor verán da última década”.

En liñas xerais, entre xuño e setembro a ocupación hoteleira media na provincia de Pontevedra foi do 82,84% fronte ao 78,15% obtido o pasado verán, é dicir, case cinco puntos máis que o acadado na mesma temporada do ano 2016.

Máis polo miúdo, Vigo rexistrou unha ocupación do 87,9%, O Morrazo do 81,1%, o Baixo Miño do 79,9% e o Condado e A Paradanta do 79,7%.

En canto ao número de viaxeiros que chegaron ata a provincia de Pontevedra, a presidenta da Deputación de Pontevedra tamén amosou a súa satisfacción xa que o incremento foi do 11,75% con respecto ao verán do 2016, cando xa se rexistrara un crecemento do 31% con respecto ao mesmo período do 2015.

Silva informou que “en total, visitaron a provincia de Pontevedra medio millón de persoas durante o verán polo que, se temos en conta que a provincia ten 900.000 habitantes, estamos a falar de 1,4 millóns de persoas nas Rías Baixas o que supón un enorme esforzo e unha cuestión a ter tamén en conta á hora de facer planificación turística”.

Ademais, os datos de Turismo Rías Baixas confirman que o mes de setembro pechou cunha ocupación hoteleira media provincial do 73,4%, superior á estimación e dous puntos máis que o acadado en setembro de 2016, cando a porcentaxe se situou en preto do 72%.

A ocupación nos establecementos de turismo rural en setembro ascenderon ao 40% e superaron en máis de 5 puntos os acadados no mesmo período de 2016.

Os turistas
En canto ás persoas que visitaron o destino Rías Baixas, a presidenta da Deputación de Pontevedra subliñou que procedían de España, con idades comprendidas entre os 35 e 60 anos (49%), aloxadas en hoteis (57%) e cunha estanza media de 7 a 15 días.

Silva destacou que “aínda que as procedencias son moi diversas, as persoas que máis nos visitan proveñen de Madrid, Barcelona, Biscaia e Cádiz e se achegan ata a nosa provincia motivados pola natureza e cultura”.

Os estranxeiros que pernoctaron na provincia de Pontevedra no pasado mes de setembro ascenderon ao 33%, 2 puntos máis que a porcentaxe acadada no mesmo mes do pasado ano, e proceden maioritariamente de Francia, Portugal, Italia, Alemaña e Reino Unido.

A este respecto, Carmela Silva destacou que “estes resultados cadran cos que o propio sector e os concellos nos trasladaron a través do Plan de Concertación, que dicían que estes eran os lugares onde deberíamos facer máis promoción”.

E, como dato significativo, a presidenta provincial deu a coñecer que o 68% das persoas que visitaron o destino Rías Baixas non o coñecían.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

tráfico

festival

crossfit

  • Comienza la modernización del transporte
    Comienza la modernización del transporte Uno de los indicadores más claros del progreso de una sociedad es la calidad de su transporte públilco. El próximo año finaliza la mayor parte de las concesiones de autobús que recorren cada día la geografía gallega y que fueron…
    Leer más...
  • Últimas noticias

  • Más leído

Agenda

Sin eventos