Vigo xa colabora cun programa de asistencia humanitaria en Siria, cooperación internacional que agora estende a Iraq a través da nomeada entidade: «Vigo vai estar en Iraq igual que xa está chegando a Siria», apuntou o alcalde, Abel Caballero.
A subvención axudará a que unhas 4.800 persoas pertencentes a 800 familias -nas zonas de Salah al Din e Kirkuk- poidan ter acceso a asistencia humanitaria para cubrir parte das súas necesidades básicas. A iniciativa de ACNUR en Iraq supón a distribución de artigos básicos esenciais entre a poboación desprazada.