Este premio ven a sumarse aos múltiples galardóns nacionais e internacionais acadados polo Servizo de Radioloxia na sua traxectoria, sendo o quinto que outorga a Sociedade Norteamericana de Radioloxía a radiólogos da EOXI de Vigo.
Os especialistas do Complexo Hospitalario de Vigo (Chuvi) presentaron este ano dúas comunicacións que lle foran aceptadas. A primeira, “Not Only Rectal Cancer is Present in Anorectal and Perirectal Rexión: Look Beyond” foi asinada por Alfonso Iglesias, Mercedes Arias, Mónica Fernández, Marta Herreros, Beatriz Nieto e Jorge Mañas. A segunda, “Virtual Colonoscopy with Colonoscopy Correlation. A visual Atlas”, está firmada por Jorge González, Rosa Bouzas, Enrique Ladera, Adrián Martínez, Rubén Díaz e Juan Vieito.
O primeiro de estes estudios recibiu un Certificado de Mérito outorgado pola RSNA. Alfonso Iglesias, radiólogo recentemente adscrito á Sección de Radioloxía do Abdome e Xenito-Urinario, é o autor e o primeiro asinante desta Comunicación premiada. Esta é a terceira vez que acada un premio neste importante congreso.
Jorge González, autor e primeiro asinante da segunda comunicación, e Enrique Ladera, ambos os dous médicos Residentes do Servizo de Radioloxía veñen de recibir tamén un total de 5.5 Créditos cada un tras haber diagnosticado correctamente 11 casos/problema presentados aos asistentes, a modo de concurso, pola organización do congreso.
Resonancia e colonoscopias no cancro colorrectal
Os dous estudos presentados están centrados na patoloxía colorrectal e máis especificamente no cancro desta localización e no seu diagnóstico diferencial.
O estudo premiado recolle a experiencia da Resonancia Magnética Multiparamétrica (RMM) para diagnosticar de maneira precisa unha serie de lesións benignas e malignas que teñen a súa orixe na rexión anorrectal e perirrectal.
A RMM é aquela que utiliza de maneira combinada imaxes morfolóxicas e imaxes funcionais de difusión e perfusión. A adquisición de imaxes morfolóxicas (anatómicas) de alta resolución facilita a localización moi exacta das lesións; coas imaxes de perfusión valórase a anxioxénesis das lesións (aparición de novos vasos); e coas de difusión analízase a densidade celular.
A investigación demostra os beneficios que se logran ao estudar estas lesións da rexión rectal e perirrectal con resonancia magnética multiparamétrica, para planificar a mellor vía de abordaxe cirúrxica ou ben axudar a determinar onde realizar con maior rendibilidade diagnóstica a mostra da biopsia.
Por outra banda, a análise dos biomarcadores funcionais de perfusión e difusión obtidos polos radiólogos do Servizo, mellora a especificidade da técnica e, polo tanto, o rendemento global da resonancia magnética convencional, obtendo diagnósticos máis precisos, de modo que poidan axudar ao clínico para determinar o tratamento máis adecuado.
Colonnoscopia virtual e mecánica
O segundo dos estudo basease nunha correlación entre a colonnoscopia virtual realizada en Radioloxía e a colonoscopia mecánica realizada polo Servizo de Patoloxía Dixestiva. O servizo do CHUVI foi pioneiro na implantación e desenrolo desta técnica en España. A colonoscopia virtual, usando a tomografia axial computarizada como ferramenta, permite recorrer o colon do paciente visualizando as súas paredes internas con fins diagnósticos. E unha técnica moi importante no diagnostico precoz do cancro de colon.
Tanto a resonancia Magnética como a colonnoscopia Virtual son complementarias e imprescindibles hoxe en día no manexo da patoloxía colorectal e máis concretamente no diagnóstico e estudo do cancro.
