Este ranking, elaborado polo Instituto de Gobernanza y Economía Aplicada, se realiza a varios niveis, nacional, e desglosado en comunidades autónomas. Por autonomías, o Índice inclúe soamente aos cinco mellores centros da comunidade. En Galicia, o Cunqueiro aparece de primeiro e o Meixoeiro de quinto.
No caso do Cunqueiro, a puntuación acadada de 0,886 puntos, o sitúa por encima dos primeiros hospitais de comunidades autónomas como Aragón, Asturias, Baleares, Canarias, Cantabria , Castilla León, La Rioja, e Ceuta e Melilla.
Este índice, elaborado polo Instituto de Gobernanza y Economía Aplicada, foi elaborado mediante enquisas a 1850 profesionais de saúde de toda España, que avalian a excelencia segundo os resultados e percepcións dos profesionais que traballan nos centros e no seu entorno en cada cunha das comunidades autónomas.
Nesta clasificación enténdese a excelencia hospitalaria como a suma de calidade asistencial, servizo hospitalario, benestar e satisfacción do paciente, capacidade innovadora, atención personalizada e eficiencia de recursos; apostando pola sostenibilidade dun sistema de sáude público, gratuíto e de calidade.
Gran potencialidade do Chuvi
Hai uns días o CHUVI aparecía por primeira vez -irrumpindo no posto 29- entre os 50 primeiros hospitais con mellor reputación de España, na terceira edición do Monitor de Reputación Sanitaria dos hospitais españois.
Segundo afirma o director de Procesos Asistenciais da EOXI de Vigo, Julio Garcia Comesaña , “estamos moi satisfeitos porque por primeira vez os nosos hospitais aparecen nos principais rankings avaliadores de calidade e excelencia sanitaria deste país. É evidente que as melloras dotacionais e estruturais experimentadas son importantes, pero sen dúbida, o factor determinante radica no traballo e bo facer dos seus profesionais. Somos unha organización con gran potencialidade e esperamos que este recoñecemento serva para seguir mellorando e facer que a nosa reputación institucional e social mellore día a día”
O novo hospital veu dar resposta a un amplo consenso social para modernizar e integrar a atención sanitaria e substituír ao Hospital Xeral, cuxa estrutura carecía do espazo e a funcionalidade necesarias para o óptimo desenvolvemento da medicina moderna, e que impedía mellorar a asistencia.
Conxuntamente coas novas funcionalidades de Meixoeiro e Nicolás Peña, a apertura do Álvaro Cunqueiro supuxo colocar a Vigo na vangarda da sanidade pública, como demostra agora esta enquisa a nivel nacional, xa que o seu tamaño -que multiplica por 5 as dimensións do vello Xeral-, tecnoloxía, equipamento e configuración estan a permitir que os profesionais sanitarios de Vigo poidan aplicar as técnicas máis avanzadas para o tratamento dos pacientes.
Cando falamos do Hospital público Álvaro Cunqueiro estamos a falar da maior obra pública que se ten feito en Galicia no ámbito sanitario na súa historia, dun dos hospitais máis grandes de Europa, cunha dotación tecnolóxica de vangarda, coa área de Urxencias máis grande e coa mellor dotación de Galicia tanto en espazo como en profesionais, cunha capacidade cirúrxica de primeiro nivel, ou cunhas UCIs punteiras. E falar do Cunqueiro é tamén falar de novos servizos como son a unidade de ictus, a unidade de ortoxeriatría, ou a unidade de cirurxía infantil.
Paralelamente temos que destacar o papel esencial que Meixoeiro ten na actual configuración da atención hospitalaria en Vigo, tamen reflectido na enquisa, ao acoller boa parte das especialidades de referencia para toda a poboación.
