O Chuvi é un dos complexos nacionais elixidos para desenvolver este curso xa que é un dos poucos acreditados como “Centro Avanzado” nesta especialidade pola Sociedad Española de Coloprotoloxía.
Impartido polos profesionais da Unidade de Coloprotoloxía do servizo de Cirurxía Xeral e Dixestiva, participaron 6 residentes de 3º e 4º desta especialidade, de Madrid, Vigo, e Portugal. Durante tres días recibiron formación teórica e practica sobre o enfoque actual no manexo e tratamento destas patoloxías, xunto co adestramento nas técnicas endoscópicas máis innovadoras.
Nas sesións cirúrxicas realizáronse un total de 35 intervencións das patoloxías anais máis habituais como fístulas, fisuras, hemorroides, quistes ou incontinencia fecal.